११ वर्षीय मुलीचा डेंग्‍यूसदृश आजाराने मृत्‍यू, सिल्लोडमधील घटनेने खळबळ

By City News Desk

On 10 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सिल्लोड (सीएससीएन वृत्तसेवा) : चिंचखेडा (ता. सिल्लोड) येथील ११ वर्षीय दीपाली अंबादास वाणी या शाळकरी मुलीचा डेंग्‍यूसदृश आजाराने उपचारादरम्यान बुधवारी (७ ऑगस्ट) मध्यरात्री छत्रपती संभाजीनगर येथील खासगी रुग्णालयात मृत्यू झाला. दीपाली माणिकनगर येथील सिद्धेश्वर हायस्कूलमध्ये पाचवीत शिकत होती. शनिवारी (३ ऑगस्ट) शाळेत गेली असता तिला अस्वस्थ वाटू लागले. तिला लगेच घरी पाठविण्यात आले. तिच्या वडिलांनी […]

सिल्लोड (सीएससीएन वृत्तसेवा) : चिंचखेडा (ता. सिल्लोड) येथील ११ वर्षीय दीपाली अंबादास वाणी या शाळकरी मुलीचा डेंग्‍यूसदृश आजाराने उपचारादरम्यान बुधवारी (७ ऑगस्ट) मध्यरात्री छत्रपती संभाजीनगर येथील खासगी रुग्णालयात मृत्यू झाला.

दीपाली माणिकनगर येथील सिद्धेश्वर हायस्कूलमध्ये पाचवीत शिकत होती. शनिवारी (३ ऑगस्ट) शाळेत गेली असता तिला अस्वस्थ वाटू लागले. तिला लगेच घरी पाठविण्यात आले. तिच्या वडिलांनी सिल्लोडच्या खासगी रुग्णालयात दाखल केले. चार दिवस उपचार घेतल्यानंतरही प्रकृती खालावल्याने तिला मंगळवारी छत्रपती संभाजीनगर येथील खासगी रुग्णालयात आणण्यात आले.

मात्र उपचारादरम्यान बुधवारी रात्री तिचा मृत्यू झाला. घटनेची माहिती मिळताच तालुका आरोग्य विभाग खडबडून जागा झाला. तालुका आरोग्य अधिकारी डॉ. नासेर खान पठाण, गटविकास अधिकारी रत्नाकर पगार यांच्यासह आरोग्य पथक चिंचखेडा येथे दाखल झाले. पथकाने गावात सर्वेक्षण करून ग्रामस्थांना उपाययोजना सांगितल्या.