सुसाट कारने दुचाकीला उडवले, दोन तरुणांचा जागीच मृत्‍यू, वैजापूर तालुक्‍यातील घटना

By City News Desk

On 14 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

वैजापूर (सीएससीएन वृत्तसेवा) : भरधाव कारने दुचाकीला धडक दिली. यात दुचाकीवरील दोन तरुणांचा मृत्यू झाला. ही दुर्दैवी घटना शनिवारी (१२ ऑक्‍टोबर) सायंकाळी साडेसातच्या सुमारास खंडाळा (ता. वैजापूर) येथे घडली. दीपक सुभाष माळी (वय २७) व अंबादास पोपट गोरे (वय २४, दोघेही रा. खंडाळा) अशी मृत्‍यू झालेल्यांची नावे आहेत. दीपक व अंबादास कामानिमित्त वैजापूरला आले होते. […]

वैजापूर (सीएससीएन वृत्तसेवा) : भरधाव कारने दुचाकीला धडक दिली. यात दुचाकीवरील दोन तरुणांचा मृत्यू झाला. ही दुर्दैवी घटना शनिवारी (१२ ऑक्‍टोबर) सायंकाळी साडेसातच्या सुमारास खंडाळा (ता. वैजापूर) येथे घडली.

दीपक सुभाष माळी (वय २७) व अंबादास पोपट गोरे (वय २४, दोघेही रा. खंडाळा) अशी मृत्‍यू झालेल्यांची नावे आहेत. दीपक व अंबादास कामानिमित्त वैजापूरला आले होते. गावाकडे परतताना खंडाळ्याजवळील शिंदे वस्तीजवळ त्यांच्या दुचाकीला वैजापूरकडे सुसाट निघालेल्या कारने धडक दिली. दीपक जागीच ठार झाला, तर अंबादासचा छत्रपती संभाजीनगरच्या घाटी रुग्णालयात उपचार घेताना मृत्यू झाला. घटनेची नोंद वैजापूर पोलिसांनी घेतली आहे. दीपकच्या पश्चात आई- वडील, पत्नी, दोन बहिणी, चार भाऊ, दोन मुली असा परिवार आहे. अंबादास गोरे यांच्या पश्चात पत्नी, आई-वडील, एक मुलगा, एक मुलगी, दोन भाऊ असा परिवार आहे.