संदल मिरवणुकीने खुलताबादच्या प्रसिद्ध उरुसाला सुरुवात

By City News Desk

On 12 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

खुलताबाद (सीएससीएन वृत्तसेवा) : खुलताबाद येथील प्रसिद्ध हजरत ख्वाजा शेख मुन्तजबोद्दीन उर्फ जरजरी जर बक्ष यांच्या ७३८ व्या उरुसाला बुधवारी (११ सप्‍टेंबर) सायंकाळी पाचला संदल मिरवणुकीने उत्साहात सुरुवात करण्यात आली. दर्गा हजरत ख्वाजा बुऱ्हानोद्दीन यांच्या दर्यातून निघालेली मिरवणूक फर्श मोहल्ला, जुने बसस्थानक, आंबेडकर चौकमार्गे जरजरी जर बक्ष यांच्या दर्ग्यात रात्री १० वाजता पोहोचली. धार्मिक विधीत […]

खुलताबाद (सीएससीएन वृत्तसेवा) : खुलताबाद येथील प्रसिद्ध हजरत ख्वाजा शेख मुन्तजबोद्दीन उर्फ जरजरी जर बक्ष यांच्या ७३८ व्या उरुसाला बुधवारी (११ सप्‍टेंबर) सायंकाळी पाचला संदल मिरवणुकीने उत्साहात सुरुवात करण्यात आली.

दर्गा हजरत ख्वाजा बुऱ्हानोद्दीन यांच्या दर्यातून निघालेली मिरवणूक फर्श मोहल्ला, जुने बसस्थानक, आंबेडकर चौकमार्गे जरजरी जर बक्ष यांच्या दर्ग्यात रात्री १० वाजता पोहोचली. धार्मिक विधीत चादर चढविण्यात आल्यानंतर फटाक्यांची आतषबाजी करण्यात आली. मिरवणुकीत उरूस व्यवस्था समितीचे अध्यक्ष, तहसीलदार स्वरूप कंकाळ, सचिव नगर परिषद मुख्याधिकारी विक्रम दराडे, उपाध्यक्ष एजाज अहेमद, माजी नगराध्यक्ष ॲड. कैसरोद्दीन, पोलीस निरीक्षक धनंजय फराटे, दर्गा कमिटीचे अध्यक्ष शरफोद्दीन रमजानी आदींसह भाविक मोठ्या संख्येने उपस्थित होते. ईद-ए-मिलादच्या दिवशी उरुसाची सांगता होणार आहे. या दिवशी मोहम्मद पैगंबर यांचा पवित्र पोशाख व मिशीचे केस दर्शनासाठी ठेवले जातात. या दिवशी देशभरातून दर्शनासाठी लाखो भाविक येतात. त्यांच्या स्वागताची जय्यत तयारी केली जात आहे.