शेतात खेळताना चिमुकल्याला साप चावला, छ. संभाजीनगरला आणत असताना रस्त्यातच मृत्‍यू…

By City News Desk

On 11 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

कन्‍नड (सीएससीएन वृत्तसेवा) : चिंचोली लिंबाजी (ता. कन्‍नड) येथील ३ वर्षीय बालकाला सापाने चावा घेतला. छत्रपती संभाजीनगरला आणले जात असतानाच त्‍याचा मृत्‍यू झाला. ही दुर्दैवी घटना शनिवारी (१० ऑगस्ट) दुपारी अडीचच्या सुमारास घडली. राज प्रवीण केवट असे मृत्‍यू झालेल्या बालकाचे नाव आहे. चिंचोली लिंबाजी येथील प्रवीण केवट यांचे बसस्थानकाच्या बाजूला घर आहे. घराला लागूनच शेती […]

कन्‍नड (सीएससीएन वृत्तसेवा) : चिंचोली लिंबाजी (ता. कन्‍नड) येथील ३ वर्षीय बालकाला सापाने चावा घेतला. छत्रपती संभाजीनगरला आणले जात असतानाच त्‍याचा मृत्‍यू झाला. ही दुर्दैवी घटना शनिवारी (१० ऑगस्ट) दुपारी अडीचच्या सुमारास घडली. राज प्रवीण केवट असे मृत्‍यू झालेल्या बालकाचे नाव आहे.

चिंचोली लिंबाजी येथील प्रवीण केवट यांचे बसस्थानकाच्या बाजूला घर आहे. घराला लागूनच शेती आहे. शनिवारी दुपारी घरातील सर्व जण शेतात मशागतीच्या कामासाठी गेले असता राज खेळत खेळत शेतात आला. त्याला सापाने चावा घेतला. त्यानंतर तो रडू लागला. त्‍याचे रडणे थांबत नसल्याने प्राथमिक आरोग्य केंद्रात नेले असता डॉक्‍टरांनी सर्पदंश झाल्याचे सांगत त्‍याला तातडीने छत्रपती संभाजीनगरला घेऊन जाण्यास सांगितले. छत्रपती संभाजीनगरला आणत असतानाच काही अंतरावरच त्‍याचा मृत्‍यू झाला.