शेतातून जनावरांना चारा आणतो म्‍हणून गेलेल्या शेतकऱ्याचा मध्यरात्री विहिरीत आढळला मृतदेह!, गंगापूरची घटना

By City News Desk

On 24 Dec 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

गंगापूर (सीएससीएन वृत्तसेवा) : महेबूबखेडा (ता. गंगापूर) येथील शेतकऱ्याने विहिरीत उडी घेऊन आत्महत्या केली. ही घटना रविवारी (२२ डिसेंबर) सकाळी समोर आली. अकबर मदेखाँ पठाण (वय ४४, रा. महेबूबखेडा) असे आत्‍महत्‍या केलेल्याचे नाव आहे. अकबर पठाण रविवारी लासूरस्टेशन येथील आठवडे बाजार करून घरी आले. शेतातून जनावराला चारा घेऊन येतो, असे सांगून सायंकाळी पाचला शेतात गेले. […]

गंगापूर (सीएससीएन वृत्तसेवा) : महेबूबखेडा (ता. गंगापूर) येथील शेतकऱ्याने विहिरीत उडी घेऊन आत्महत्या केली. ही घटना रविवारी (२२ डिसेंबर) सकाळी समोर आली. अकबर मदेखाँ पठाण (वय ४४, रा. महेबूबखेडा) असे आत्‍महत्‍या केलेल्याचे नाव आहे.

अकबर पठाण रविवारी लासूरस्टेशन येथील आठवडे बाजार करून घरी आले. शेतातून जनावराला चारा घेऊन येतो, असे सांगून सायंकाळी पाचला शेतात गेले. रात्री उशिरापर्यंत घरी परतले नाही. त्‍यामुळे नातेवाईकांनी शोध घेतला असता आगाठाण शिवारातील विहिरीत त्यांचा मृतदेह तरंगताना दिसला. घटनेची माहिती शिल्लेगाव पोलिसांना मिळाल्यानंतर त्‍यांनी घटनास्थळी येऊन पंचनामा केला. मध्यरात्री मृतदेह विहिरीबाहेर काढून सोमवारी लासूर स्टेशन येथील आरोग्य केंद्रात उत्तरीय तपासणी करण्यात आली. नंतर मृतदेह नातेवाईकांच्या ताब्यात देण्यात आला. घटनेची नोंद शिल्लेगाव पोलिसांनी केली असून, आत्‍महत्‍येच्या कारणाचा शोध घेतला जात आहे. अकबर पठाण यांच्या पश्चात पत्नी, एक मुलगा, दोन मुली असा परिवार आहे.