गंगापूर/कन्नड/छ. संभाजीनगर (सीएससीएन वृत्तसेवा) : गंगापूर तालुक्यातील शिल्लेगाव पोलीस ठाण्याच्या हद्दीत भानसवाडी शिवारात शिवशाही बसमध्ये ३३ वर्षीय महिलेवर वाहकानेच बलात्कार केला. कन्नड तालुक्यातील निमडोंगरी येथे २८ वर्षीय तरुणाने १७ वर्षीय मुलीसोबत घरात घुसून अश्लील चाळे केले, तर छत्रपती संभाजीनगरातील शहरातील वाळूज एमआयडीसीत ३० वर्षीय महिलेची छेड काढणाऱ्या वासनांधाला जमावाने चोप दिला… छत्रपती संभाजीनगर जिल्ह्यातील या घटनांनी शुक्रवारी (३० ऑगस्ट) नागरिकांच्या संतापात आणखी भर पाडली.
शिवशाही बसमध्ये ३३ वर्षीय महिलेवर वाहकानेच बलात्कार केल्याची खळबळजनक घटना समोर आल्याने खळबळ उडाली आहे. गंगापूर तालुक्यातील शिल्लेगाव पोलीस ठाण्याच्या हद्दीतील भानसवाडी शिवारात ही घटना घडली. शिल्लेगाव पोलीस ठाण्यात महिलेने दिलेल्या तक्रारीवरून पोलिसांनी वाहकासह त्याच्या पत्नीविरुद्ध गुरुवारी (२९ ऑगस्ट) गुन्हा दाखल केला आहे. गणेश शंकर गळदे (रा. एन ७, पोलीस कॉलनी, सिडको, छत्रपती संभाजीनगर) असे वाहकाचे नाव आहे. ३३ वर्षीय महिलेने दिलेल्या तक्रारीत म्हटले आहे, की ती ६ जून २०२३ रोजी नाशिक ते छत्रपती संभाजीनगर शिवशाही बसने प्रवास करीत होती. गंगापूर तालुक्यातील भानसवाडी शिवारात बस रात्री साडेआठच्या सुमारास आल्यावर बसमध्ये बिघाड झाला. वाहक गणेशने बसमधील इतर प्रवाशांना दुसऱ्या बसमध्ये बसवून दिले. त्यानंतर महिलेवर बसच्या मागील सीटवर बलात्कार केला. त्याच्याकडे लग्नाची मागणी केल्याने १४ मे २०२४ रोजी रात्री साडेअकराच्या सुमारास गणेश व त्याच्या पत्नीने महिलेला धक्काबुक्की करून शिवीगाळ करीत जीवे मारण्याची धमकी दिल्याचे तक्रारीत म्हटले आहे. प्रकरण एकंदरीत गौडबंगाल असून वर्षभराने महिलेने लैंगिक अत्याचाराची तक्रार केली आहे. तू मला आवडतेस म्हणत म्हणत घरात घुसून १७ वर्षीय मुलीसोबत अश्लील चाळे…कन्नड : १७ वर्षीय मुलगी घरात एकटी पाहून मागील दाराने घरात घुसून ‘तू मला आवडतेस’ असे म्हणत २८ वर्षीय तरुणाने तिच्यासोबत अश्लील चाळे केले. ही घटना कन्नड तालुक्यातील निमडोंगरी (ता. कन्नड) येथे शुक्रवारी (३० ऑगस्ट) दुपारी दीडच्या सुमारास घडली. शुभम सुभाष लहाणे (२८, रा. निमडोंगरी) असे संशयित तरुणाचे नाव आहे. त्याच्याविरुध्द कन्नड ग्रामीण पोलिसांनी पोस्कोअंतर्गत गुन्हा दाखल केला आहे.
दोघेही एकाच गावातील असल्याने मुलीच्या घराची सर्व माहिती शुभमला होती. मुलीचे वडील हे बाहेरगावी तर आई शेतात कामाला गेलेली होती. मुलगी घरी एकटीच असल्याचे पाहून तो घरात घुसला. त्याने मुलीसोबत अश्लील चाळे सुरू करताच तिने घाबरून आरडाओरड सुरू केली. आवाज ऐकून शेजारी असलेली तिची आजी व चुलत भाऊ घरात आले. तोपर्यंत शुभम घराच्या मागच्याच दाराने पसार झाला. मुलीने आई-वडिलांसोबत कन्नड ग्रामीण पोलीस ठाण्यात येऊन तक्रार दिली. अधिक तपास केला जात आहे.
वाळूज एमआयडीसीत ३० वर्षीय महिलेची छेड
वाळूज एमआयडीसीत राहणाऱ्या ३० वर्षीय महिलेचा पाठलाग करून छेड काढणाऱ्या २७ वर्षीय तरुणाविरुद्ध गुन्हा दाखल करण्यात आला आहे. किशोर रूपचंद डोंगरे (वय २७) असे संशयिताचे नाव आहे. तक्रारदार महिला कामानिमित्त घराबाहेर पडली की किशोर तिचा पाठलाग करून छेड काढत होता. तिने विरोध केला असता जीवे मारण्याची धमकी दिली होती. गुरुवारी (२९ ऑगस्ट) रात्री ११:४५ वाजता महिला व तिची मुलगी वाढदिवसाचा कार्यक्रम आटोपून घरी परतली असता तिच्या घराच्या टेरेसवर किशोर लपून बसलेला होता. महिलेने आरडाओरड करताच लोक जमा झाले. त्यांनी किशोरला चांगलाच चोप दिला.
.jpg)
.jpg)
.jpg)
.jpg)
.jpg)
