वाळूमाफियाच्या त्रासाला कंटाळून ४५ वर्षीय व्यक्‍तीची आत्‍महत्‍या, वैजापूरमध्ये खळबळ

By City News Desk

On 07 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

वैजापूर (सीएससीएन वृत्तसेवा) : वाळूमाफियाच्या त्रासाला कंटाळून नागमठाण (ता. वैजापूर) येथे ४५ वर्षीय व्यक्‍तीने राहत्‍या घरात पत्र्याच्या शेडला दोरीने गळफास घेऊन आत्महत्या केली. ही घटना रविवारी (६ ऑक्‍टोबर) पहाटे चारच्या सुमारास समोर आली. हरिभाऊ कडू राशीनकर (वय ४५) असे आत्‍महत्‍या केलेल्याचे नाव आहे. हरिभाऊंच्या मुलाविरुद्ध वाळूचोरीचा गुन्हा दाखल झाला होता. हा गुन्हा खोटा असून, एका […]

वैजापूर (सीएससीएन वृत्तसेवा) : वाळूमाफियाच्या त्रासाला कंटाळून नागमठाण (ता. वैजापूर) येथे ४५ वर्षीय व्यक्‍तीने राहत्‍या घरात पत्र्याच्या शेडला दोरीने गळफास घेऊन आत्महत्या केली. ही घटना रविवारी (६ ऑक्‍टोबर) पहाटे चारच्या सुमारास समोर आली. हरिभाऊ कडू राशीनकर (वय ४५) असे आत्‍महत्‍या केलेल्याचे नाव आहे.

हरिभाऊंच्या मुलाविरुद्ध वाळूचोरीचा गुन्हा दाखल झाला होता. हा गुन्हा खोटा असून, एका वाळूमाफियाच्या सांगण्यावरून दाखल करण्यात आल्याचे राशीनकर यांचे म्‍हणणे होते. काही दिवसांपासून वाळूमाफिया त्रास देत असल्यानेही ते त्रस्‍त झाले होते. आत्महत्येपूर्वी राशीनकर यांनी लिहिलेली चिठ्ठी पोलिसांकडे दिल्याचे नातेवाइकांनी सांगितले. त्यातही वाळूमाफियाच्या त्रासाला कंटाळून आत्महत्या केल्याचे नमूद आहे, असे नातेवाइकांनी सांगितले. विरगाव पोलिसांनी अकस्मात मृत्यूची नोंद करून तपास सुरू केला आहे.