माजी नगरसेविकेच्या पोलचिटवर मतदान केंद्राऐवजी चक्‍क पुरुषांची मुतारी!, सिल्लोडची धक्कादायक घटना

By City News Desk

On 13 Nov 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सिल्लोड (सीएससीएन वृत्तसेवा) : भाजप माजी नगरसेविकेच्या मतदार पोलचिटवर मतदान केंद्राऐवजी चक्क पुरुषांच्या मुतारीचा फोटो छापून आल्याचा धक्कादायक प्रकार सिल्लोडमध्ये समोर आली आहे. याबाबत निवडणूक आयोगाकडे तक्रार करण्यात आली आहे. संबंधितांवर विनयभंगाचा गुन्हा दाखल करून त्यांना सेवेतून निलंबित करण्यात यावे, अशी मागणी माजी नगरसेविकेने केली आहे. सिल्लोडच्या वॉर्ड क्रमांक ३ मधील माजी नगरसेविका रूपाली मनोज […]

सिल्लोड (सीएससीएन वृत्तसेवा) : भाजप माजी नगरसेविकेच्या मतदार पोलचिटवर मतदान केंद्राऐवजी चक्क पुरुषांच्या मुतारीचा फोटो छापून आल्याचा धक्कादायक प्रकार सिल्लोडमध्ये समोर आली आहे. याबाबत निवडणूक आयोगाकडे तक्रार करण्यात आली आहे. संबंधितांवर विनयभंगाचा गुन्हा दाखल करून त्यांना सेवेतून निलंबित करण्यात यावे, अशी मागणी माजी नगरसेविकेने केली आहे.

सिल्लोडच्या वॉर्ड क्रमांक ३ मधील माजी नगरसेविका रूपाली मनोज मोरेल्लू यांना मंगळवारी सकाळी निवडणूक विभागाकडून मतदार पोलचिट देण्यात आली. या पोलचिटच्या मागे मतदान केंद्राच्या रकान्यात चक्क पुरुषांच्‍या मुतारीचा फोटो असल्याचे त्यांना दिसले. त्‍यांनी याबाबत राज्याचे मुख्य निवडणूक अधिकारी व सिल्लोड येथील निवडणूक निर्णय अधिकाऱ्यांसह संबंधित सर्व अधिकाऱ्यांकडे ई-मेलद्वारे तक्रार केली आहे.

निवडणूक निर्णय अधिकारी लतीफ पठाण यांनी एका बीएलओला कारणे दाखवा नोटीस बजावली असून त्या पोलचिट परत मागवून घेतल्या आहेत. तसेच दुसऱ्या पोलचिट वाटप करण्याचे आदेश दिले आहेत. निवडणूक विभागाने दिलेल्या अॅपमध्ये त्या वॉर्डातील मतदान केंद्राचा फोटो अपलोड करायचा होता. मात्र संबंधित बीएलओकडून चुकून मुतारीचा फोटो अपलोड झाला, असे पठाण यांनी पत्रकारांना सांगितले.