महंत रामगिरी महाराज यांच्या समर्थनार्थ वैजापूरमध्ये लाखोंचा मोर्चा!; गुन्हे मागे घेण्याची विशाल जनसमुदायाची मागणी

By City News Desk

On 30 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

वैजापूर (गणेश निंबाळकर : सीएससीएन वृत्तसेवा) : महंत रामगिरी महाराज यांच्या समर्थनार्थ वैजापूरमध्ये गुरुवारी (२९ ऑगस्ट) दुपारी लाखोंच्या संख्येतील लोकांचा हुंकार मोर्चा निघाला. रामगिरी महाराज यांच्याविरुद्ध विविध ठिकाणी दाखल केलेले गुन्हे मागे घेण्याची मागणी विशाल जनसमुदायाने केली. तहसील कार्यालयासमोर मोर्चाचे रूपांतर सभेत झाले. विश्व हिंदू परिषद, राष्ट्रीय स्वयंसेवक संघ, विविध हिंदू संघटना, साधू, संत आणि […]

वैजापूर (गणेश निंबाळकर : सीएससीएन वृत्तसेवा) : महंत रामगिरी महाराज यांच्या समर्थनार्थ वैजापूरमध्ये गुरुवारी (२९ ऑगस्ट) दुपारी लाखोंच्या संख्येतील लोकांचा हुंकार मोर्चा निघाला. रामगिरी महाराज यांच्याविरुद्ध विविध ठिकाणी दाखल केलेले गुन्हे मागे घेण्याची मागणी विशाल जनसमुदायाने केली. तहसील कार्यालयासमोर मोर्चाचे रूपांतर सभेत झाले.

विश्व हिंदू परिषद, राष्ट्रीय स्वयंसेवक संघ, विविध हिंदू संघटना, साधू, संत आणि भाजपाच्या वतीने मोर्चाचे आयोजन केले होते. महंत रामगिरी महाराज यांच्याविरुद्ध दाखल केलेल्या गुन्ह्यांचा निषेध करत गोहत्या थांबवा, शहरातील कत्तलखाने तातडीने बंद करा आदी मागण्या करण्यात आल्या. दुपारी एकला महाराणा प्रताप चौकातून मोर्चाला सुरुवात झाली. भगवे झेंडे फडकावत व जय श्रीराम घोषणा देत मोर्चा तहसील कार्यालयासमोर आला.

येथे मोर्चाचे रुपांतर सभेत झाले. या वेळी विविध मान्यवरांची भाषणे झाली. महंत हरिशरणगिरी महाराज, माधवानंद महाराज, चन्ने महाराज, विष्णूगिरी महाराज, सुदाम महाराज, अमोल महाराज, नारायण कवडे आदींची उपस्थिती होती. दामोदर पारिक यांनी सूत्रसंचालन केले. सभेनंतर उपविभागीय अधिकारी डॉ. अरुण जऱ्हाड व तहसीलदार सुनील सावंत यांना मागण्यांचे निवेदन देण्यात आले. कडक पोलिस बंदोबस्तामुळे शहराला छावणीचे स्वरूप आले होते.