मस्तच… वैजापूर यापुढे MH 20 नव्हे MH 57 ; १ नोव्‍हेंबरपासून स्वतंत्र RTO कार्यालय सुरू होणार

By City News Desk

On 18 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

वैजापूर (सीएससीएन वृत्तसेवा) : वैजापूर येथील नवीन आरटीओ कार्यालयाचे कामकाज १ नोव्हेंबरपासून सुरू होणार आहे. हे कार्यालय सुरू झाल्यानंतर कन्‍नड, वैजापूर, गंगापूर आणि खुलताबाद येथील वाहनधारकांना वाहनांची नोंदणी करण्याची सोय होईल. त्‍याचबरोबर या तालुक्‍यांतील वाहनांना एमएच ५७ असा नोंदणीक्रमांक मिळणार आहे. चार तालुक्‍यांतील वाहन कर, वाहनांवरील कारवाई, फिटनेस व इतर कामे वैजापूरच्या कार्यालयातूनच होणार आहे. […]

वैजापूर (सीएससीएन वृत्तसेवा) : वैजापूर येथील नवीन आरटीओ कार्यालयाचे कामकाज १ नोव्हेंबरपासून सुरू होणार आहे. हे कार्यालय सुरू झाल्यानंतर कन्‍नड, वैजापूर, गंगापूर आणि खुलताबाद येथील वाहनधारकांना वाहनांची नोंदणी करण्याची सोय होईल. त्‍याचबरोबर या तालुक्‍यांतील वाहनांना एमएच ५७ असा नोंदणीक्रमांक मिळणार आहे.

चार तालुक्‍यांतील वाहन कर, वाहनांवरील कारवाई, फिटनेस व इतर कामे वैजापूरच्या कार्यालयातूनच होणार आहे. नव्या कार्यालयाचा कारभार सहायक प्रादेशिक परिवहन अधिकारी सविता पवार यांच्याकडे सोपवला जाणार असल्याची माहिती आहे. कार्यालयासाठी सध्या जागा शोधली जात आहे. मनुष्यबळ, जागा व इतर सोयीसुविधांचा अहवाल शासनाकडे पाठविण्यात आला आहे. छत्रपती संभाजीनगर येथे प्रादेशिक परिवहन कार्यालय आहे. या कार्यालयाअंतर्गत बीड, जालना येथील उपप्रादेशिक कार्यालये येतात. आता वैजापूरचे उपप्रादेशिक कार्यालयाचाही समावेश होईल. वैजापूरसाठी एका इंटरसेप्टर वाहनासही मंजुरी देण्यात आली आहे.