Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
कन्नड (सीएससीएन वृत्तसेवा) : कन्नड तालुक्यातील कोळंबी मंजरा येथील अंकुशराव हिम्मतराव जाधव (वय ५१) या अल्पभूधारक शेतकऱ्याने राहत्या घरात विष पिऊन आत्महत्या केली. ही धक्कादायक घटना शनिवारी (२६ ऑक्टोबर) सकाळी आठला घडली. परतीच्या पावसामुळे खरीप पिकांचे नुकसान झाल्याने जाधव हे संकटात सापडले होते. कोळंबी मंजरा परिसरात झालेल्या मुसळधार पावसामुळे खरीप पिकांचे मोठे नुकसान झाले असून, […]
कन्नड (सीएससीएन वृत्तसेवा) : कन्नड तालुक्यातील कोळंबी मंजरा येथील अंकुशराव हिम्मतराव जाधव (वय ५१) या अल्पभूधारक शेतकऱ्याने राहत्या घरात विष पिऊन आत्महत्या केली. ही धक्कादायक घटना शनिवारी (२६ ऑक्टोबर) सकाळी आठला घडली. परतीच्या पावसामुळे खरीप पिकांचे नुकसान झाल्याने जाधव हे संकटात सापडले होते.
कोळंबी मंजरा परिसरात झालेल्या मुसळधार पावसामुळे खरीप पिकांचे मोठे नुकसान झाले असून, पिकांवर झालेला खर्चही निघण्याची शक्यता नसल्याने शेतकरी चिंताग्रस्त झाले आहेत. जाधव यांनी उसनवारी करून पिकांची लागवड केली होती. मात्र पीकच हातचे गेल्याने पैशांची परतफेड कशी करायची, अशी चिंता त्यांना होती.
शनिवारी सकाळी आठला त्यांनी घरात विष पिले. त्यांना नातेवाइकांनी पिशोर ग्रामीण रुग्णालयात आणले. प्रकृती गंभीर असल्याने छत्रपती संभाजीनगर येथे घाटी रुग्णालयात हलविण्यात आले. मात्र उपचारादरम्यान त्यांचा मृत्यू झाला. त्यांच्या पश्चात वडील, एक मुलगा असा परिवार आहे. याबाबत पिशोर पोलिसांनी आकस्मिक मृत्यूची नोंद केली आहे.
