छत्रपती संभाजीनगर (सीएससीएन वृत्तसेवा) : खुलताबाद शहरात जर-जरी-जर बक्ष उर्स व ईद ए मिलाद या सणानिमित्त होणाऱ्या भाविकांची गर्दी लक्षात घेता ९ ते २० सप्टेंबरदरम्यान धुळे- सोलापूर महामार्गावरील अवजड वाहतूक मार्गात बदल करण्यात आले आहेत, असे आदेश पोलीस अधीक्षक डॉ. विनयकुमार राठोड यांनी निर्गमित केले आहेत.
खुलताबाद शहरात ९ सप्टेंबरपासून २० सप्टेंबरपर्यंत जरजरी बक्ष उर्स तर १६ सप्टेंबर रोजी ईद ए मिलाद हा सण साजरा होणार आहे. खुलताबाद शहरात यानिमित्त हजरत मोहम्मद पैगंबर यांचे पैरहन मुबारक दर्शनासाठी मोठ्या संख्येने भाविक येत असतात. त्यामुळे या कालावधीत धुळे- सोलापूर महामार्गावर अवजड वाहतुकीच्या मार्गात बदल करण्यात आला आहे. हे बदल ९ ते २० सप्टेंबरदरम्यान सायंकाळी ६ ते सकाळी ८ यावेळात लागू राहतील, असे आदेशात स्पष्ट करण्यात आले आहे.
वाहतुकीतील बदल याप्रमाणे…-फुलंब्रीकडून कन्नड व धुळेकडे जाणारी सर्व जड वाहतूक ही छत्रपती संभाजीनगर- शरणापूर फाटा – माळीवाडा- वरझडी- कसाबखेडा- देवगाव रंगारी- शिऊर-तलवाडा घाटमार्गे चाळीसगाव, धुळेकडे जाईल.
-धुळे, कन्नडकडून येणारी सर्व जड वाहतूक ही तलवाडा घाट- शिऊर- देवगाव रंगारी- कसाबखेडा- वरझडी-माळीवाडा- छत्रपती संभाजीनगरमार्गे फुलंब्रीकडे जाईल.
-छत्रपती संभाजीनगर खुलताबादमार्गे चाळीसगाव -धुळेकडे जाणारी जड वाहतूक ही छत्रपती संभाजीनगर – माळीवाडा- कसाबखेडा फाटा- देवगाव रंगारी – शिऊर- तलवाडा घाटमार्गे चाळीसगावकडे जाईल.
-धुळे, चाळीसगावकडून खुलताबादमार्गे छत्रपती संभाजीनगरकडे जाणारी सर्व जड वाहतूक ही तलवाडा घाट शिऊर – देवगाव रंगारी- कसाबखेडा फाटा- वरझडी- माळीवाडामार्गे छत्रपती संभाजीनगरकडे जाईल.
-वेरुळ, खुलताबादकडून फुलंब्रीकडे जाणारी वाहतूक ही वेरुळ – कसाबखेडा फाटा- माळीवाडामार्गे छत्रपती संभाजीनगरकडे जाईल.
.jpg)
