तिचा संयम संपतो तेव्हा… दोघा रोडराेमिओंना ३ तरुणींनी बुकलले!, लासूरस्टेशनमधील घटनेची जिल्हाभर चर्चा

By City News Desk

On 15 Jul 2024

तिचा संयम संपतो तेव्हा… दोघा रोडराेमिओंना ३ तरुणींनी बुकलले!, लासूरस्टेशनमधील घटनेची जिल्हाभर चर्चा

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

लासूरस्टेशन, ता. गंगापूर (सीएससीएन वृत्तसेवा) : शिक्षणासाठी लासूरस्टेशन येथे परिसरातील गावांतील तरुणी, मुली येत असतात. याची संधी साधत काही टवाळखोर बसस्थानकावर येऊन या तरुणींची छेड काढतात. काही दिवसांपासून छेड काढणाऱ्या दोन रोडरोमिओंना ३ तरुणींनी शनिवारी (१३ जुलै) दुपारी साडेबारा वाजेच्या सुमारास चांगलाच धडा शिकवला. संयमाचा अंत झाल्याने तिन्ही तरुणींनी एकत्र येत या रोडरोमिओंना चंागलेच बुकलले. […]

लासूरस्टेशन, ता. गंगापूर (सीएससीएन वृत्तसेवा) : शिक्षणासाठी लासूरस्टेशन येथे परिसरातील गावांतील तरुणी, मुली येत असतात. याची संधी साधत काही टवाळखोर बसस्थानकावर येऊन या तरुणींची छेड काढतात. काही दिवसांपासून छेड काढणाऱ्या दोन रोडरोमिओंना ३ तरुणींनी शनिवारी (१३ जुलै) दुपारी साडेबारा वाजेच्या सुमारास चांगलाच धडा शिकवला. संयमाचा अंत झाल्याने तिन्ही तरुणींनी एकत्र येत या रोडरोमिओंना चंागलेच बुकलले. या घटनेचा व्हिडीओ व्हायरल झाला असून, जिल्हाभर या तरुणींचे कौतुक होत आहे.

तरुणींनी शिल्लेगाव पोलीस ठाण्यात तक्रार दिली नसल्याने या प्रकरणात गुन्हा दाखल नाही. तिन्ही तरुणी शेजारील गावांतून शिक्षणासाठी रोज लासूरस्टेशनला येतात. तीन दिवसांपासून दोन रोडरोमिओ त्यांची छेड काढत होते. सुरुवातीला तरुणींनी त्‍यांच्याकडे दुर्लक्ष केले. पण यामुळे रोडरोमिओची हिंमत वाढत गेली. त्‍यांचा त्रास वाढत चालल्याने तरुणींचा संयम संपला.

शनिवारी दुपारी साडेबाराला त्‍या बसस्थानकात आल्या असता रोडरोमिओंनी त्यांना पुन्हा छेडायला सुरुवात केली. मग मात्र तरुणींनी दुर्गावतार धारण केला. दोन्ही रोडरोमियोंना पकडून बेदम चोप द्यायला सुरुवात केली. त्‍यांनी धारण केलेले नवचंडीचे रूप पाहून रोडरोमिओंना पळता भुई थोडी झाली. तरुणींनी दोघांनाही चांगलेच बदडले. लोक जमू लागल्याने या रोडरोमिओंनी कशीबशी स्वतःची सुटका करून घेत तिथून पळ काढला. तरुणींनी नागरिकांना सांगितले, की हे तरुण शिल्लेगाव येथील असून बसस्थानकात नेहमीच आमची छेड काढतात. तरुणींनी पोलीस ठाण्यात तक्रार दिली नाही. मात्र या घटनेचा व्हिडीओ व्हायरल होत आहे.