टेम्‍पोच्या धडकेनंतर एसटी बस कठड्यावर चढली, वेरूळ घाटातून कोसळण्याआधी चालकाने मिळवले नियंत्रण, ४० प्रवासी सुखरुप

By City News Desk

On 09 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

खुलताबाद (सीएससीएन वृत्तसेवा) : एसटी बसला समोरून येणाऱ्या टेम्पोने धडक दिली. यात बस रस्त्यालगतच्या कठड्यावर चढली. सतर्क बसचालकामुळे सुदैवाने बस वेरूळ घाटातून कोसळली नाही. ४० प्रवाशांचे प्राण वाचले. ही घटना गुरुवारी (८ ऑगस्ट) दुपारी दोनला घडली. छत्रपती संभाजीनगरहून धुळ्याला ४० प्रवाशी घेऊन एसटी बस (एमएच १५ जेसी ४६६०) जात होती. वेरूळ घाटात आल्यावर भरधाव टेम्पोने […]

खुलताबाद (सीएससीएन वृत्तसेवा) : एसटी बसला समोरून येणाऱ्या टेम्पोने धडक दिली. यात बस रस्त्यालगतच्या कठड्यावर चढली. सतर्क बसचालकामुळे सुदैवाने बस वेरूळ घाटातून कोसळली नाही. ४० प्रवाशांचे प्राण वाचले. ही घटना गुरुवारी (८ ऑगस्ट) दुपारी दोनला घडली.

छत्रपती संभाजीनगरहून धुळ्याला ४० प्रवाशी घेऊन एसटी बस (एमएच १५ जेसी ४६६०) जात होती. वेरूळ घाटात आल्यावर भरधाव टेम्पोने बसला समोरून चालकाच्या बाजूने धडक दिली. त्यामुळे बस रस्त्याच्या बाजूला असलेल्या कठड्याला तोडत पुढे जात असताना ती वेरूळ घाटातून दरीत कोसळण्याची शक्‍यता निर्माण झाली होती. मात्र चालकाने प्रसंगावधान राखून बसवर नियंत्रण मिळवले. त्‍यामुळे मोठी दुर्घटना टळली.

अपघातात कोणालाही इजा झाली नाही. त्यानंतर बसमधील सर्व प्रवासी उतरले. अपघात होताच टेम्पोचालक वाहनासह पळून गेला. प्रवाशांनी याबाबत खुलताबाद पोलिसांना कळवले. पोलीस तातडीने घटनास्थळी आले. सर्व प्रवाशांना इतर बसने रवाना करण्यात आले. अपघातामुळे काही काळ या मार्गावर वाहतूक ठप्प झाली होती. पोलीस कर्मचारी प्रमोद साळवी, राहुल दांडगे यांनी वाहतूक सुरळीत केली.