जायकवाडीचे आणखी ६ दरवाजे उघडले!; आता १८ दरवाजांतून ९४३२ क्‍युसेकने विसर्ग

By City News Desk

On 10 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

पैठण (सीएससीएन वृत्तसेवा) : जायकवाडी धरणात पाण्याची आवक वाढल्याने मंगळवारी (१० सप्‍टेंबर) आणखी सहा दरवाजे उघडण्यात आले. सध्या एकूण १८ दरवाजांतून ९४३२ क्‍युसेकने गोदापात्रात पाणी सोडण्यात येत आहे. सोमवारी (९ सप्‍टेंबर) दुपारी ९७.६९ टक्के भरल्याने दुपारी साडेबाराला ६ दरवाजे, तर सायंकाळी सातच्या सुमारास आणखी ६ दरवाजे असे एकूण १२ दरवाजे अर्ध्या फुटाने उघडण्यात आले होते. […]

पैठण (सीएससीएन वृत्तसेवा) : जायकवाडी धरणात पाण्याची आवक वाढल्याने मंगळवारी (१० सप्‍टेंबर) आणखी सहा दरवाजे उघडण्यात आले. सध्या एकूण १८ दरवाजांतून ९४३२ क्‍युसेकने गोदापात्रात पाणी सोडण्यात येत आहे.

सोमवारी (९ सप्‍टेंबर) दुपारी ९७.६९ टक्के भरल्याने दुपारी साडेबाराला ६ दरवाजे, तर सायंकाळी सातच्या सुमारास आणखी ६ दरवाजे असे एकूण १२ दरवाजे अर्ध्या फुटाने उघडण्यात आले होते. त्‍यानंतर मंगळवारी दुपारी आणखी सहा दरवाजे अर्ध्या फुटाने उघडण्यात आले. नदीपात्रात पाणी वाढल्याने गोदाकाठच्या नागरिकांना प्रशासनाकडून सतर्कतेचा इशारा देण्यात आला आहे.

असा सुरू आहे पाण्याचा विसर्ग
१८ दरवाजांतून : ९४३२ क्‍युसेक
डाव्या कालव्यातून : ६०० क्‍युसेक
एकूण विसर्ग : १० हजार ३२ क्‍युसेक

छत्रपती संभाजीनगर शहराची तहान भागवणारे जायकवाडी धरण मराठवाड्यातील लाखो एकर शेतीसाठी वरदान आहे. यंदा ऑगस्टच्या पहिल्या आठवड्यापर्यंत धरणात अत्यल्प पाणीसाठा होता. पण, धरणाच्या पाणलोट क्षेत्रात आणि विशेषतः नाशिक जिल्ह्यात झालेल्या मुसळधार पावसामुळे नंतर झपाट्याने पाण्याची आवक धरणात वाढली. आजही मोठ्या प्रमाणावर पाण्याची आवक सुरू आहे.