छ. संभाजीनगरात दोन युवकांच्या आत्‍महत्‍या; एकाने मराठा आरक्षणासाठी, दुसऱ्याने आर्थिक विवंचनेतून घेतला गळफास

By City News Desk

On 29 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

फुलंब्री/ सिल्लोड (सीएससीएन वृत्तसेवा) : मराठा समाजाला आरक्षण नसल्याने मुलांना चांगले शिक्षण देता येत नाही. खासगी शिक्षणाचा खर्च पेलवत नाही. शिक्षणाचा आपल्या समाजाला कोणताही फायदा होत नाही. नोकरी लागत नाही. मी आत्महत्या करून जीवनयात्रा संपवत आहे… अशी चिठ्ठी लिहून फुलंब्री तालुक्यातील पेंडगाव येथील तरुणाने गळफास घेऊन आत्‍महत्‍या केली. ही खळबळजनक घटना शुक्रवारी (२७ सप्टेंबर) दुपारी […]

फुलंब्री/ सिल्लोड (सीएससीएन वृत्तसेवा) : मराठा समाजाला आरक्षण नसल्याने मुलांना चांगले शिक्षण देता येत नाही. खासगी शिक्षणाचा खर्च पेलवत नाही. शिक्षणाचा आपल्या समाजाला कोणताही फायदा होत नाही. नोकरी लागत नाही. मी आत्महत्या करून जीवनयात्रा संपवत आहे… अशी चिठ्ठी लिहून फुलंब्री तालुक्यातील पेंडगाव येथील तरुणाने गळफास घेऊन आत्‍महत्‍या केली. ही खळबळजनक घटना शुक्रवारी (२७ सप्टेंबर) दुपारी अडीच वाजेच्या सुमारास घडली.

कृष्णा धनाजी व्यवहारे (वय ३९ रा. पेंडगाव ता. फुलंब्री) असे आत्‍महत्‍या करणाऱ्याचे नाव आहे. कृष्णा शेतात जात असल्याचे सांगत घरातून बाहेर पडला होता. शेतातील लिंबाच्या झाडाला गळफास घेतला. घटनेची माहिती कळताच ग्रामस्थांनी व वडोदबाजार पोलिसांनी घटनास्थळी धाव घेत कृष्णाला फुलंब्री ग्रामीण रुग्णालयात आणले. मात्र डॉक्टरांनी तपासून मृत घोषित केले. कृष्णाच्या खिशात सापडलेल्या चिठ्ठीवरून आत्‍महत्‍येच्या कारणाचा उलगडा झाला.

वडोदबाजार पोलिसांनी अकस्मात मृत्यूची नोंद करून तपास सुरू केला आहे. त्यांच्या पश्चात आई-वडील, पत्नी, तीन मुली व एक मुलगा असा परिवार आहे. सायंकाळी उशिरा त्याच्यावर पेंडगाव येथे अंत्यसंस्कार करण्यात आले. दुसऱ्या घटनेत सिल्लोड तालुक्यातील मंगरूळ येथील अशोक महादू मरकडे या तरुणाने आर्थिक विवंचनेतून आत्महत्या केल्याची घटना समोर आली आहे. तो मिस्त्री काम करत होता. त्याच्या पश्चात आई, पत्नी, दोन मुले असा परिवार आहे. या घटनेची नोंद सिल्लोड ग्रामीण पोलिसांनी घेतली आहे. अधिक तपास केला जात आहे.