घरात घुसून वृद्ध दाम्‍पत्‍याला मारहाण करत लुटले, वैजापूर तालुक्‍यातील घटना

By City News Desk

On 13 Nov 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

वैजापूर (सीएससीएन वृत्तसेवा) : भोकरगाव (ता. वैजापूर) शिवारात शेतवस्तीवर राहणाऱ्या वृद्ध दाम्पत्याच्या घरात घुसून दोघांनी बेदम मारहाण करत महिलेच्या अंगावरील दागिने व घरातील रक्कम लुटून नेली. ही घटना रविवारी (१० नोव्‍हेंबर) रात्री सव्वा नऊच्या सुमारास घडली. याप्रकरणी विजू राजपूत (रा. झोलेगाव, ता. वैजापूर) व त्‍याच्या साथीदाराविरुद्ध गुन्हा दाखल करण्यात आला आहे. जिजाबाई एकनाथ नागे (वय […]

वैजापूर (सीएससीएन वृत्तसेवा) : भोकरगाव (ता. वैजापूर) शिवारात शेतवस्तीवर राहणाऱ्या वृद्ध दाम्पत्याच्या घरात घुसून दोघांनी बेदम मारहाण करत महिलेच्या अंगावरील दागिने व घरातील रक्कम लुटून नेली. ही घटना रविवारी (१० नोव्‍हेंबर) रात्री सव्वा नऊच्या सुमारास घडली.

याप्रकरणी विजू राजपूत (रा. झोलेगाव, ता. वैजापूर) व त्‍याच्या साथीदाराविरुद्ध गुन्हा दाखल करण्यात आला आहे. जिजाबाई एकनाथ नागे (वय ६५) या पतीसह राहतात. रविवारी रात्री त्यांच्या घरात विजू राजपूत व त्याचा साथीदार घुसले. त्‍यांनी जिजाबाई यांच्या हातावर चाकूने वार करून त्यांच्या पतीलाही मारहाण करत जीवे मारण्याची धमकी दिली. जिजाबाईंच्या कानातील दोन झुंबर व घरातील ७० हजार रुपये रोख रक्कम घेऊन पोबारा केला. जिजाबाई यांनी शिऊर पोलिसांत दिलेल्या तक्रारीवरून विजू राजपूत व त्‍याच्या साथीदाराविरुद्ध गुन्हा दाखल करण्यात आला आहे. अधिक तपास बीट जमादार गणेश गोरक्ष करत आहेत.