गव्हाला पाणी देण्यासाठी पहाटे तीनला शेतकरी शेतात गेला अन्‌ काळाने घातली झडप!, सिल्लोडची घटना

By City News Desk

On 29 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सिल्लोड (सीएससीएन वृत्तसेवा) : विद्युत मोटर सुरू करण्यासाठी गेलेल्या परमेश्वर हरिचंद गुंजाळ (वय २८) या शेतकऱ्याचा विजेचा जोरदार धक्का बसून जागीच मृत्यू झाला. ही घटना रविवारी (२७ ऑक्टोबर) पहाटे तीनच्या सुमारास सिल्लोड तालुक्यातील पिंपळगाव पेठ येथे घडली. सध्या लोडशेडिंगमुळे शेतकऱ्यांना पिकांना पाणी भरण्यासाठी रात्री-अपरात्री शेतात जावे लागते. पहाटे वीज येणार असल्याने तीनलाच परमेश्वर शेतात गव्हाला […]

सिल्लोड (सीएससीएन वृत्तसेवा) : विद्युत मोटर सुरू करण्यासाठी गेलेल्या परमेश्वर हरिचंद गुंजाळ (वय २८) या शेतकऱ्याचा विजेचा जोरदार धक्का बसून जागीच मृत्यू झाला. ही घटना रविवारी (२७ ऑक्टोबर) पहाटे तीनच्या सुमारास सिल्लोड तालुक्यातील पिंपळगाव पेठ येथे घडली.

सध्या लोडशेडिंगमुळे शेतकऱ्यांना पिकांना पाणी भरण्यासाठी रात्री-अपरात्री शेतात जावे लागते. पहाटे वीज येणार असल्याने तीनलाच परमेश्वर शेतात गव्हाला पाणी भरण्यासाठी गेले होते. विहिरीवरील विद्युत मोटर सुरू करताना त्यांना विजेचा धक्का बसून ते जागेवरच कोसळले. सकाळी ही बाब शेतकऱ्यांच्या लक्षात येताच त्यांनी परमेश्वरला तत्काळ सिल्लोड उपजिल्हा रुग्णालयात दाखल केले. डॉक्टरांनी तपासून त्यांना मृत घोषित केले. त्यांच्या पार्थिवावर रविवारी दुपारी शोकाकूल वातावरणात अंत्यसंस्कार करण्यात आले. याप्रकरणी सिल्लोड ग्रामीण पोलिसांनी अाकस्मिक मृत्यूची नोंद केली आहे.