गंगापूरमध्ये राजकीय पेटले!; राष्ट्रवादीच्या संभाव्य उमेदवाराविरुद्ध बंब यांनी दंड थोपटले!; सतीश चव्हाण यांना हा गर्भित इशारा

By City News Desk

On 06 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

गंगापूर (सीएससीएन वृत्तसेवा) : महायुतीत गंगापूर मतदारसंघ मागणाऱ्या अजित पवार गटाविरुद्ध भाजप आमदार प्रशांत बंब चांगलेच पेटले आहेत. राष्ट्रवादीकडून गंगापूरमधून सतीश चव्हाण हे मैदानात उतरण्याची चिन्हे आहेत. त्‍यामुळे बंब यांनी चव्हाण यांच्यावर हल्लाबोल केला असून, तरुणांकडून लाखो रुपये घेऊन त्यांना नोकऱ्या न देणाऱ्या मराठवाडा शिक्षण प्रसारक मंडळाला येत्या मार्च महिन्यापर्यंत आपण कायदेशीररीत्या ताब्यात घेऊ, असा […]

गंगापूर (सीएससीएन वृत्तसेवा) : महायुतीत गंगापूर मतदारसंघ मागणाऱ्या अजित पवार गटाविरुद्ध भाजप आमदार प्रशांत बंब चांगलेच पेटले आहेत. राष्ट्रवादीकडून गंगापूरमधून सतीश चव्हाण हे मैदानात उतरण्याची चिन्हे आहेत. त्‍यामुळे बंब यांनी चव्हाण यांच्यावर हल्लाबोल केला असून, तरुणांकडून लाखो रुपये घेऊन त्यांना नोकऱ्या न देणाऱ्या मराठवाडा शिक्षण प्रसारक मंडळाला येत्या मार्च महिन्यापर्यंत आपण कायदेशीररीत्या ताब्यात घेऊ, असा इशारा बंब यांनी शनिवारी (५ ऑक्‍टोबर) दिला.

जिल्हा परिषद शाळेत शिकणाऱ्या विद्यार्थ्यांचे नुकसान करणाऱ्या शिक्षकांविरोधात मी आवाज उठवला असता त्या शिक्षकांना चव्हाण यांनी वैयक्तिक राजकारणासाठी पाठीशी घातले. मला विद्यार्थी घडवायचा आहे. त्या उलट यांना पैसे कमवण्यासाठी शिक्षण संस्था वाचवायच्या आहेत. मात्र लक्षात ठेवा माझ्या मतदारसंघात येऊन माझ्या गोरगरीब जनतेची कोणी भूलथापा देऊन फसवणूक करीत असेल तर तर ते मी कदापि खपवून घेणार नाही, असा इशाराही बंब यांनी दिला. तुम्ही १७ वर्षांपासून मराठवाडा पदवीधर मतदारसंघाचे आमदार आहात. त्या काळात तुम्ही केलेल्या कामांचा हिशोब जनतेसमोर मांडा, असे आव्हानही बंब यांनी सतीश चव्हाण यांना दिले. लासूर स्टेशन येथून जवळच असलेल्या आरापूर शिवारात विकासकामांच्या भूमिपूजनप्रसंगी बंब बोलत होते.