खुनाचा कैदी पळाला… १० किमी पाठलाग करून पकडला!; पैठणची घटना

By City News Desk

On 04 Jul 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

पैठण (सीएससीएन वृत्तसेवा) : पैठण येथील खुल्या कारागृहातील कैदी विजय ऊर्फ धनंजय श्रीकांत शिंदे (वय ४६, रा. अकलूज, ता. माळशिरस, जि. सोलापूर) हा मंगळवारी (२ जुलै) रात्री साडेअकराच्या सुमारास फरारी झाला होता. बुधवारी (३ जुलै) पहाटे त्याला जेरबंद करण्यात यश आले. बॅरेक क्रमांक दोनमध्ये विजय शिंदे हा खूनप्रकरणी मार्चपासून शिक्षा भोगत असून, २ जुलैला रात्री […]

पैठण (सीएससीएन वृत्तसेवा) : पैठण येथील खुल्या कारागृहातील कैदी विजय ऊर्फ धनंजय श्रीकांत शिंदे (वय ४६, रा. अकलूज, ता. माळशिरस, जि. सोलापूर) हा मंगळवारी (२ जुलै) रात्री साडेअकराच्या सुमारास फरारी झाला होता. बुधवारी (३ जुलै) पहाटे त्याला जेरबंद करण्यात यश आले.

बॅरेक क्रमांक दोनमध्ये विजय शिंदे हा खूनप्रकरणी मार्चपासून शिक्षा भोगत असून, २ जुलैला रात्री तो फरारी झाला होता. ही बाब लक्षात येताच कारागृह अधीक्षक धनसिंग कवाळे यांच्या नेतृत्वाखालील पथकाने त्‍याचा शोध सुरू केला. १० किलोमीटर पाठलाग करून बुधवारी पहाटे पाचला शेवगाव तालुक्यातील घोटणजवळ त्याला पकडण्यात यश आले. ही कामगिरी प्रशांत घुले, सुभाष राबडे, पाराजी सोन्‍नर, संदीप बागुले, गणेश बनसोडे, अमोल माने यांनी केली. कैद्याविरुद्ध पैठण पोलीस ठाण्यात गुन्हा दाखल करून त्‍याची रवानगी आता छत्रपती संभाजीनगर येथील मध्यवर्ती कारागृहात करण्यात आली आहे.