कन्‍नडमध्ये वंचित बहुजन आघाडीत बंडाळी!; पक्षाच्‍या उमेदवाराविरुद्ध बंडाचा झेंडा!!

By City News Desk

On 25 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

कन्‍नड (सीएससीएन वृत्तसेवा) : कन्‍नड मतदारसंघात वंचित बहुजन आघाडीने अयाज मकबूल शहा यांची उमेदवारी जाहीर केली असून, यामुळे वंचितचे स्थानिक पदाधिकारी नाराज झाल्याचे चित्र आहे. त्‍यांनी बंडाचा झेंडा फडकवत राजीनामे प्रदेशाध्यक्षा रेखा ठाकूर यांच्याकडे पाठवले आहेत. जिल्हा सचिवांसह अन्य पदाधिकाऱ्यांचा नाराज झालेल्यांत समावेश आहे. राजीनाम्यात म्‍हटले आहे, की जिल्हाध्यक्ष योगेश बन, तालुकाध्यक्ष देविदास राठोड मनमानी […]

कन्‍नड (सीएससीएन वृत्तसेवा) : कन्‍नड मतदारसंघात वंचित बहुजन आघाडीने अयाज मकबूल शहा यांची उमेदवारी जाहीर केली असून, यामुळे वंचितचे स्थानिक पदाधिकारी नाराज झाल्याचे चित्र आहे. त्‍यांनी बंडाचा झेंडा फडकवत राजीनामे प्रदेशाध्यक्षा रेखा ठाकूर यांच्याकडे पाठवले आहेत. जिल्हा सचिवांसह अन्य पदाधिकाऱ्यांचा नाराज झालेल्यांत समावेश आहे.

राजीनाम्यात म्‍हटले आहे, की जिल्हाध्यक्ष योगेश बन, तालुकाध्यक्ष देविदास राठोड मनमानी कारभार करत असून, गटबाजी करतात. आम्ही भारिप बहुजन महासंघापासून असताना आता उमेदवार ठरविताना या दोघांनी पदाधिकाऱ्यांना विश्वासात घेतले नाही. जो उमेदवार दिला आहे, त्‍यांचा तालुक्‍यात जनसंपर्क नाही, असेही म्‍हटले आहे. राजीनामा पत्रावर जिल्हासचिव अनिल सिरसाठ, तालुका महासचिव विनोद कदम, युवराज बागुल, सचिव सुभाष सिरसाठ, भीमराव खिल्लारे, तालुका संघटक गणेश मोरे, सुनील बोराडे, सदस्य भास्कर देवरे, बापूसाहेब मोरे, प्रवीण खडेकर, नितीन बोर्डे, मुकेश थोरात, प्रकाश नरवडे, हिरामण धिवर, दीपक सातदिवे, सतीश धनेधर, अमोल साळवे, अक्षय महाले, सागर मोरे, राहुल जाधव, विशाल पवार आणि बाळू पवार यांच्या सह्या आहेत.