कंपनीत सोबत काम करताना ओळख झाली, मैत्री झाली, प्रेम झालं…अन्‌ उचलले ‘असे’ पाऊल…

By City News Desk

On 25 Jul 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : छत्रपती संभाजीनगर जिल्ह्यातून एका तरुणीसह अल्पवयीन मुलीच्या अपहरणाची घटना समोर आली आहे. पैठण व छत्रपती संभाजीनगर शहरातील मुकुंदवाडी पोलिसांनी या प्रकरणांत दोन तरुणांविरुद्ध गुन्हे दाखल केले आहेत. बुलडाणा जिल्ह्यातील रवी रखमाजी डोणे (रा. सावखेड, ता. देऊळगावराजा) या तरुणाने पैठण तालुक्‍यातून एका अल्पवयीन मुलीला फूस लावून पळवून नेले आहे. पैठण तालुक्यातील […]

छत्रपती संभाजीनगर (सीएससीएन वृत्तसेवा) : छत्रपती संभाजीनगर जिल्ह्यातून एका तरुणीसह अल्पवयीन मुलीच्या अपहरणाची घटना समोर आली आहे. पैठण व छत्रपती संभाजीनगर शहरातील मुकुंदवाडी पोलिसांनी या प्रकरणांत दोन तरुणांविरुद्ध गुन्हे दाखल केले आहेत.

बुलडाणा जिल्ह्यातील रवी रखमाजी डोणे (रा. सावखेड, ता. देऊळगावराजा) या तरुणाने पैठण तालुक्‍यातून एका अल्पवयीन मुलीला फूस लावून पळवून नेले आहे. पैठण तालुक्यातील एका गावातील रहिवासी असलेल्या अल्पवयीन मुलीसोबत रवी हा पैठण एमआयडीसीमधील कंपनीत कामाला होता. तिथे त्यांची ओळख झाली होती. याच ओळखीतून त्याने त्या मुलीला २२ जुलै रोजी पहाटे फूस लावून घरातून पळवून नेले. या प्रकरणी मुलीच्या भावाच्या फिर्यादीवरून बुधवारी दुपारी पैठण पोलीस ठाण्यात रवीविरुद्ध गुन्हा दाखल करण्यात आला आहे.

दुसऱ्या घटनेत लग्नाचे आमिष दाखवून २१ जुलै रोजी दुपारी चारच्या सुमारास राजनगर येथील झेंडा चौकातून तरुणीला तरुणाने पळवून नेले. सुमित धोत्रे (रा. बौद्धनगर, शिवशंकर कॉलनी) असे संशयित तरुणाचे नाव आहे. तरुणीच्या आईने मुकुंदवाडी पोलीस ठाण्यात या प्रकरणी तक्रार दिली. त्‍यावरून पोलिसांनी सुमितविरुद्ध गुन्हा दाखल केला आहे.