अजिंठा लेणीतील सप्तकुंड धबधब्‍यावर रिल्स, फोटोसेशनला बंदी!

By City News Desk

On 05 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फर्दापूर (सीएससीएन वृत्तसेवा) : जगप्रसिद्ध अजिंठा लेणीतील सप्तकुंड धबधबा परिसर सध्या धोकादायक बनला आहे. त्‍यातच पावसाळी पर्यटन करणाऱ्यांची गर्दी होत आहे. त्‍यामुळे या ठिकाणी धोकादायक रील्स, सेल्फी अथवा फोटोसेशन करण्यावर फर्दापूर पोलिसांनी बंदी घातली आहे. या परिसरात कोणताही पर्यटक असे कृत्य करताना आढळल्यास कायदेशीर कारवाई करण्यात येईल, असा इशारा सहायक पोलीस निरीक्षक प्रफुल्ल साबळे यांनी […]

फर्दापूर (सीएससीएन वृत्तसेवा) : जगप्रसिद्ध अजिंठा लेणीतील सप्तकुंड धबधबा परिसर सध्या धोकादायक बनला आहे. त्‍यातच पावसाळी पर्यटन करणाऱ्यांची गर्दी होत आहे. त्‍यामुळे या ठिकाणी धोकादायक रील्स, सेल्फी अथवा फोटोसेशन करण्यावर फर्दापूर पोलिसांनी बंदी घातली आहे. या परिसरात कोणताही पर्यटक असे कृत्य करताना आढळल्यास कायदेशीर कारवाई करण्यात येईल, असा इशारा सहायक पोलीस निरीक्षक प्रफुल्ल साबळे यांनी दिला आहे.

सध्या अजिंठा लेणी परिसर पर्यटकांचे आकर्षण बनला आहे. हिरव्यागार डोंगररांगा, त्यावरून वाहणारे धबधबे आणि खाली उतरणारे ढग अशा विहंगम दृश्य डोळ्यांत साठविण्यासाठी पर्यटकांची गर्दी होत आहे. देश-विदेशातील पर्यटकांबरोबरच स्थानिक पर्यटकही मोठ्या संख्येने येत आहेत. मात्र अनेक जण अतिउत्साहात स्वतःच्या जिवाला धोका निर्माण करतात. यापूर्वीही अशा धोकादायक घटना या परिसरात घडल्या आहेत. राज्यातील वाढत्‍या दुर्घटनांच्या पार्श्वभूमीवर फर्दापूर पोलीस सतर्क झाले असून, त्‍यांनी सप्तकुंड धबधबा व लेणी परिसरात धोकादायक रील्स तथा फोटोसेशन करण्यावर बंदी आणली आहे.