अंधारात बैलगाडी न दिसल्याने दुचाकी धडकली, दोन तरुणांचा मृत्‍यू, पैठणची दुर्घटना

By City News Desk

On 05 Nov 2024

अंधारात बैलगाडी न दिसल्याने दुचाकी धडकली, दोन तरुणांचा मृत्‍यू, पैठणची दुर्घटना

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

पैठण (सीएससीएन वृत्तसेवा) : बैलगाडीला समोरून दुचाकीची धडक बसली. यात दुचाकीचालकाचा जागीच मृत्‍यू झाला तर त्याच्यामागे बसलेल्या युवकाचा छत्रपती संभाजीनगरच्या घाटी रुग्णालयात उपचार घेताना मृत्‍यू झाला. ही घटना शनिवारी (२ नोव्‍हेंबर) सायंकाळी साडेसहाच्या सुमारास पैठण-छत्रपती संभाजीनगर महामार्गावरील धनगाव येथे घडली. स्वप्निल शिवाजी पाटील (वय २२, रा. आंबेडकरनगर, छत्रपती संभाजीनगर) व यशोधन तुकाराम साळवे (वय ३२ […]

पैठण (सीएससीएन वृत्तसेवा) : बैलगाडीला समोरून दुचाकीची धडक बसली. यात दुचाकीचालकाचा जागीच मृत्‍यू झाला तर त्याच्यामागे बसलेल्या युवकाचा छत्रपती संभाजीनगरच्या घाटी रुग्णालयात उपचार घेताना मृत्‍यू झाला. ही घटना शनिवारी (२ नोव्‍हेंबर) सायंकाळी साडेसहाच्या सुमारास पैठण-छत्रपती संभाजीनगर महामार्गावरील धनगाव येथे घडली.

स्वप्निल शिवाजी पाटील (वय २२, रा. आंबेडकरनगर, छत्रपती संभाजीनगर) व यशोधन तुकाराम साळवे (वय ३२ वर्षे, रा. छत्रपती संभाजीनगर) अशी मृत्‍यू झालेल्यांची नावे आहेत. पैठण परिसरातील शेतीची कामे आटोपून दोघे दुचाकीने छत्रपती संभाजीनगरकडे परत निघाले होते. धनगाव येथे समोरून अंधारात येणारी बैलगाडी न दिसल्याने त्यांची दुचाकी बैलगाडीला धडकली.

यात स्वप्निलचा जागीच मृत्यू झाला. यशोधन साळवे गंभीर जखमी झाला. त्‍याला नागरिकांनी रुग्णवाहिकेद्वारे छत्रपती संभाजीनगर येथील शासकीय रुग्णालयात (घाटी) दाखल केले. मात्र उपचार सुरू असतानाच रविवारी (३ नोव्‍हेंबर) सकाळी यशोधनचा मृत्यू झाला. घटनेची नोंद पैठण एमआयडीसी पोलिसांनी घेतली आहे. अधिक तपास सहायक पोलीस निरीक्षक ईश्वर जगदाळे यांच्या मार्गदर्शनाखाली पोलीस अंमलदार दिनेश दाभाडे करत आहेत.