रॅगिंग करणाऱ्यांची म्हणे आम्ही सर्जरी केली, घाटीत नवोदित विद्यार्थ्यांसमोर हे काय बोलले डॉ. सुक्रे...

By City News Desk

On 08 Oct 2025

रॅगिंग करणाऱ्यांची म्हणे आम्ही सर्जरी केली, घाटीत नवोदित विद्यार्थ्यांसमोर हे काय बोलले डॉ. सुक्रे...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : पुढील साडेपाच वर्षांच्या वैद्यकीय शिक्षणासाठी आज तुम्ही पहिले पाऊल टाकले आहे. वैद्यकीय शिक्षण क्षेत्र विद्यार्थ्यांच्या रॅगिंगने बदनाम झाले आहे. पण इथे तुम्ही त्याची चिंता करू नका. रॅगिंग करणाऱ्यांची आम्ही आधीच सर्जरी केली आहे. तुम्ही फक्त शिक्षण घेऊन संवेदनशील डॉक्टर बना आणि आई-वडिलांचे स्वप्न पूर्ण करण्यावर लक्ष केंद्रित करा, असा मोलाचा सल्ला शासकीय वैद्यकीय महाविद्यालय आणि रुग्णालयाचे (घाटी) अधिष्ठाता डॉ. शिवाजी सुक्रे यांनी नवोदित विद्यार्थ्यांना दिला.

एमबीबीएस प्रथम वर्षाच्या विद्यार्थ्यांसाठी मंगळवारी डिन्स ॲड्रेस या विशेष कार्यक्रमाचे आयोजन केले होते. या वेळी डॉ. सुक्रे यांनी विद्यार्थ्यांना संवेदनशील डॉक्टर बनून कुटुंबाप्रमाणे रुग्णांशी संवाद साधण्याचा उपदेश केला. या वेळी पोलीस अधीक्षक डॉ. विनयकुमार राठोड, ‘आयएमए'चे अध्यक्ष डॉ. अनुपम टाकळकर, सचिव डॉ. योगेश लक्कस उपस्थित होते. व्यासपीठावर उप अधिष्ठाता डॉ. प्रभा खैरे, डॉ. विनोद मुंदडा, डॉ. भारत सोनवणे, डॉ. बिना नडिया, डॉ. अविनाश लांब, डॉ. शिराज बेग, डॉ. प्रसाद देशपांडे, डॉ. ममता कुलकर्णी, डॉ. अंजली दहिफळे, डॉ. वैशाली उणे, डॉ. मोहम्मद लाईक, डॉ. स्वप्ना अंबेकर आदींची उपस्थिती होती. डॉ. राठोड यांनी यावेळी आपल्या ‘एमबीबीएस' शिक्षण काळातील आठवणींना उजाळा दिल. वैद्यकीय शिक्षणाला झोकून द्या. यशासाठी शंभर टक्के प्रयत्न करा. परिश्रम घ्या. या काळात चांगले मित्र बनवा, असा सल्ला त्यांनी विद्यार्थ्यांना दिला.