भरपावसात शिक्षकांनी छत्रपती संभाजीनगरात काढला मोर्चा!

By City News Desk

On 30 Jun 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : विविध मागण्यांसाठी आदर्श शिक्षक समितीच्या नेतृत्त्वात राज्‍यभरातील शिक्षक आज, ३० जूनला दुपारी दोनला छत्रपती संभाजीनगरमध्ये एकवटले होते. त्‍यांनी भरपावसात विभागीय आयुक्त कार्यालयावर मोर्चा काढला. मोर्चात सहभागी शेकडो शिक्षकांनी दिलेल्या घोषणांनी विभागीय आयुक्‍तालय परिसर दणाणून सोडला. क्रांतीचौकातून मोर्चाला सुरुवात झाली. मोर्चा विभागीय आयुक्त कार्यालयावर धडकल्यानंतर २३ मागण्यांचे निवेदन विभागीय आयुक्‍त कार्यालयामार्फत […]

छत्रपती संभाजीनगर (सीएससीएन वृत्तसेवा) : विविध मागण्यांसाठी आदर्श शिक्षक समितीच्या नेतृत्त्वात राज्‍यभरातील शिक्षक आज, ३० जूनला दुपारी दोनला छत्रपती संभाजीनगरमध्ये एकवटले होते. त्‍यांनी भरपावसात विभागीय आयुक्त कार्यालयावर मोर्चा काढला. मोर्चात सहभागी शेकडो शिक्षकांनी दिलेल्या घोषणांनी विभागीय आयुक्‍तालय परिसर दणाणून सोडला.

क्रांतीचौकातून मोर्चाला सुरुवात झाली. मोर्चा विभागीय आयुक्त कार्यालयावर धडकल्यानंतर २३ मागण्यांचे निवेदन विभागीय आयुक्‍त कार्यालयामार्फत राज्‍य सरकारला पाठविण्यात आले. मोर्चाचे नेतृत्त्व आदर्श शिक्षक समितीचे संस्थापक दिलीप ढाकणे, राज्य अध्यक्ष शिवाजीराव साखरे पाटील, राज्य महासचिव अंजुम बरबंडे, महिला आघाडीच्या राज्य प्रमुख दीपा देशपांडे, मराठवाडा अध्यक्ष आर. आर. जोशी यांनी केले. मोर्चात सहभागी होण्यासाठी राज्‍यभरातून शिक्षक आले होते. दिलीप ढाकणे, शिवाजीराव साखरे, बाबूराव गाडेकर, आर. आर. जोशी, अंजुम पठाण यांची भाषणे झाली. शिक्षक परिषद, जुनी पेन्शन संघटना, प्रहार संघटना, सहकार शिक्षक संघटना, शिक्षक संघ, कास्ट्राईब संघटना आदी संघटनांनी मोर्चाला पाठिंबा दिला होता.