निवडणुकीत आचारसंहिता भंग होतेय? छत्रपती संभाजीनगरवासियांनो केवळ बघू नका, कर्तव्य पार पाडा, थेट इथे तक्रार करा..!

By City News Desk

On 24 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : विधानसभा निवडणुकीची आचारसंहिता लागू झाली आहे. या कालावधीत आदर्श आचारसंहिता भंग झाल्याचे निदर्शनास आल्यास नागरिकांनी भारत निवडणूक आयोगाच्या सी-व्हिजील मोबाईल ॲपवर किंवा १९५० या टोल फ्री क्रमांकावर तक्रार करावी, असे आवाहन जिल्हाधिकारी तथा जिल्हा निवडणूक अधिकारी दिलीप स्वामी यांनी केले आहे. नागरिकांनी केलेल्या तक्रारीची तत्‍काळ दखल घेऊन क्षेत्रीय पथकाद्वारे तक्रारीची […]

छत्रपती संभाजीनगर (सीएससीएन वृत्तसेवा) : विधानसभा निवडणुकीची आचारसंहिता लागू झाली आहे. या कालावधीत आदर्श आचारसंहिता भंग झाल्याचे निदर्शनास आल्यास नागरिकांनी भारत निवडणूक आयोगाच्या सी-व्हिजील मोबाईल ॲपवर किंवा १९५० या टोल फ्री क्रमांकावर तक्रार करावी, असे आवाहन जिल्हाधिकारी तथा जिल्हा निवडणूक अधिकारी दिलीप स्वामी यांनी केले आहे.

नागरिकांनी केलेल्या तक्रारीची तत्‍काळ दखल घेऊन क्षेत्रीय पथकाद्वारे तक्रारीची शहनिशा केली जाते. तक्रार १०० मिनिटांत निकाली काढण्‍यात येते. त्‍यासाठी जिल्‍हास्‍तरावर जिल्‍हा नियंत्रण कक्ष स्‍थापन करण्‍यात आला आहे. प्रत्येक विधानसभा क्षेत्रनिहायही नियंत्रण कक्ष स्थापन करण्यात आला आहे. बंदूक, पिस्‍तूल प्रदर्शन करणे, दारू वाटप, पैसे वाटप, सरकारी मालमत्‍तेचे विद्रूपण, मतदारांची वाहतूक, भेटवस्‍तू वाटप, पेड न्यूज, जातीत तेढ निर्माण करणारे भाषण, धमकी आदी प्रकार होत असल्‍याचे निदर्शनास आल्यास नागरिक अशा घटनांचे cVIGIL ॲपद्वारे फोटो, व्हिडीओ तसेच ऑडिओ रेकॉर्ड करून ऑनलाईन तक्रारी दाखल करू शकतात. नागरिकांनी या सुविधांचा वापर करावा, असे आवाहन जिल्हाधिकाऱ्यांनी केले आहे.