एसटीला विठुरायाची ओढ… मोठ्या बसस्थानकातून पंढरपूरसाठी रोज ७ विशेष बस!, असे आहेत तिकीट दर

By City News Desk

On 03 Jul 2024

एसटीला विठुरायाची ओढ… मोठ्या बसस्थानकातून पंढरपूरसाठी रोज ७ विशेष बस!, असे आहेत तिकीट दर

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : एसटी महामंडळाकडून पंढरपूरला जाणाऱ्या भाविक, वारकऱ्यांसाठी छत्रपती संभाजीनगरच्या मध्यवर्ती बसस्थानकातून १३ जुलैपासून रोज ७ बस सोडल्या जाणार आहेत. यासाठी पुणे, धुळे, अकोला, नागपूरच्या काही फेऱ्या रद्द करण्यात आल्या आहेत. आषाढी एकादशीच्या दिवशी १७ जुलै रोजी दिवसभरात ११० बस सोडण्यात येणार असल्याची माहिती एसटीचे विभागीय वाहतूक अधिकारी पंडित चव्हाण यांनी पत्रकारांना […]

छत्रपती संभाजीनगर (सीएससीएन वृत्तसेवा) : एसटी महामंडळाकडून पंढरपूरला जाणाऱ्या भाविक, वारकऱ्यांसाठी छत्रपती संभाजीनगरच्या मध्यवर्ती बसस्थानकातून १३ जुलैपासून रोज ७ बस सोडल्या जाणार आहेत. यासाठी पुणे, धुळे, अकोला, नागपूरच्या काही फेऱ्या रद्द करण्यात आल्या आहेत.

आषाढी एकादशीच्या दिवशी १७ जुलै रोजी दिवसभरात ११० बस सोडण्यात येणार असल्याची माहिती एसटीचे विभागीय वाहतूक अधिकारी पंडित चव्हाण यांनी पत्रकारांना दिली. छत्रपती संभाजीनगर विभागात सध्या ५०० बस आहेत. गेल्यावर्षी २ विशेष रेल्वे पंढरपूरसाठी सोडण्यात आल्या होत्या. यंदा विशेष रेल्वेची घोषणा अद्याप केलेली नाही. त्‍यामुळे नाराजी व्यक्‍त होत आहे.

या वर्षी एसटी बसने पंढरपूरची वारी करण्यासाठी ४९५ रुपये तिकीट आहे. महिलांना २४८ रुपये तिकीट लागेल. ७५ वर्षांवरील प्रवाशांना मोफत प्रवास करता येईल. गर्दी वाढल्यास अधिकच्या बसेस उपलब्ध करून दिल्या जातील. वारकऱ्यांची कुठेही गैरसोय होणार नाही, याची काळजी घेत असल्याचे श्री. चव्हाण यांनी सांगितले.