एमजीएम विद्यापीठाचा तिसरा दीक्षांत सोहळा उद्या

By City News Desk

On 29 Nov 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : महात्मा गांधी मिशन विद्यापीठाचा तिसरा दीक्षांत सोहळा उद्या, ३० नोव्‍हेंबरला सकाळी साडेदहाला विद्यापीठाच्या रुक्मिणी सभागृहात होणार आहे. यावेळी सर्वोच्च न्यायालयातील बार असोसिएशनचे अध्यक्ष ज्येष्ठ विधिज्ञ खा. कपिल सिब्बल उपस्थित राहणार आहेत. कुलगुरू डॉ. विलास सपकाळ, कुलसचिव डॉ. आशिष गाडेकर यांनी पत्रकार परिषदेत ही माहिती दिली. सोहळ्यात १२८४ विद्यार्थ्यांना पदवी प्रदान […]

छत्रपती संभाजीनगर (सीएससीएन वृत्तसेवा) : महात्मा गांधी मिशन विद्यापीठाचा तिसरा दीक्षांत सोहळा उद्या, ३० नोव्‍हेंबरला सकाळी साडेदहाला विद्यापीठाच्या रुक्मिणी सभागृहात होणार आहे. यावेळी सर्वोच्च न्यायालयातील बार असोसिएशनचे अध्यक्ष ज्येष्ठ विधिज्ञ खा. कपिल सिब्बल उपस्थित राहणार आहेत. कुलगुरू डॉ. विलास सपकाळ, कुलसचिव डॉ. आशिष गाडेकर यांनी पत्रकार परिषदेत ही माहिती दिली.

सोहळ्यात १२८४ विद्यार्थ्यांना पदवी प्रदान केली जाणार असून, एमजीएमचे अध्यक्ष कमलकिशोर कदम, विद्यापीठाचे कुलपती अंकुशराव कदम यांच्यासह नियामक मंडळ, व्यवस्थापन मंडळाचे सदस्यांची प्रमुख उपस्थिती राहणार आहे. कुलगुरू डॉ. सपकाळ यांनी सांगितले, की २०१९ साली स्थापन झालेले एमजीएम विद्यापीठ मराठवाड्यातील पहिले स्वयंअर्थसाहाय्यित खासगी विद्यापीठ आहे. सोहळ्यात एकूण ७ विद्याशाखांच्या विद्यार्थ्यांना पदवी दिली जाणार असल्याचेही त्‍यांनी सांगितले.