एका धामणीमुळे छत्रपती संभाजीनगरवर जलसंकट!; नक्की काय झालं होतं वाचा…

By City News Desk

On 17 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : पैठणच्या नाथसागरातून छत्रपती संभाजीनगर शहरासाठी पाणीपुरवठा करणाऱ्या जायकवाडीतील पंपगृहात विद्युतपुरवठा करणाऱ्या पॅनल बॉक्समध्ये धामण शिरली. शॉर्टसर्किटने होऊन धामण मरण पावली. पण त्‍यामुळे संपूर्ण विद्युतपुरवठा खंडित झाला. दुरुस्तीसाठी ७ तास लागले. बुधवारी (१६ ऑक्‍टोबर) सकाळी ९ वाजता हा प्रकार घडला होता. त्‍याआधी मध्यरात्री दोनला जायकवाडीतील पाणीपुरवठा केंद्रातील मुख्य जलवाहिनीला तडा गेला […]

छत्रपती संभाजीनगर (सीएससीएन वृत्तसेवा) : पैठणच्या नाथसागरातून छत्रपती संभाजीनगर शहरासाठी पाणीपुरवठा करणाऱ्या जायकवाडीतील पंपगृहात विद्युतपुरवठा करणाऱ्या पॅनल बॉक्समध्ये धामण शिरली. शॉर्टसर्किटने होऊन धामण मरण पावली. पण त्‍यामुळे संपूर्ण विद्युतपुरवठा खंडित झाला. दुरुस्तीसाठी ७ तास लागले. बुधवारी (१६ ऑक्‍टोबर) सकाळी ९ वाजता हा प्रकार घडला होता. त्‍याआधी मध्यरात्री दोनला जायकवाडीतील पाणीपुरवठा केंद्रातील मुख्य जलवाहिनीला तडा गेला होता. वेल्डिंगसाठी ६ तास लागले. त्‍यामुळे एकूण १३ तास छत्रपती संभाजीनगर शहरासाठीचा पाण्याचा उपसा बंद होता. दिवसभर शहरवासियांना निर्जळीला सामोरे जावे लागले.

शहराच्या पाणीपुरवठ्यात सतत काही ना काही विघ्न येत असते. कधी जलवाहिनीच फुटते, तर कधी पंपगृहात काहीतरी गडबड होते… त्‍यामुळे महापालिकेची तारांबळ उडत असते. नागरिकांच्या रोषाला सामोरे जावे लागते. सध्या आठ ते दहा दिवसांनी पाणीपुरवठा होतो, तोही अपुरा. बुधवारच्या घटनेमुळे एक दिवसाने पाणीपुरवठा पुढे गेला. सायंकाळी सहाला पाणी येणे सुरू झाले, मात्र यंत्रणा विस्कळीत झाल्याने बुधवारी पाणीपुरवठा होणाऱ्या वसाहतींना आज (१७ ऑक्‍टोबर) पाणीपुरवठा होणार आहे.

नक्की काय झालं होतं?
बुधवारी पहाटे दोनला जायकवाडी पाणीपुरवठा केंद्रातील जलवाहिनीला गळती लागली. वेल्डिंगसह दुरुस्तीत सहा तास गेले. हुश्श म्हणत सुस्कारा सोडत असतानाच सकाळी ९ वाजता जायकवाडीत विद्युत पॅनल बॉक्समध्ये धामण शिरली. शॉर्टसर्किट होऊन सर्व वीज खंडित झाली. महापालिका कर्मचाऱ्यांना तांत्रिक दोष शोधण्यात बराच वेळ लागला. अखेर पॅनल क्रमांक ३ मध्ये धामण शिरल्याचे दिसले. दुरुस्तीत ७ तास गेले.