खेडकरांनी न्यायालयात भूमिका बदलली अन्‌ मंत्री संजय शिरसाटांसह सहा जण सुटले!

By City News Desk

On 09 Oct 2025

खेडकरांनी न्यायालयात भूमिका बदलली अन्‌ मंत्री संजय शिरसाटांसह सहा जण सुटले!

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : मला त्यांनी मारहाण केली. डोक्याला जखम झाली, अशी पोलिसांत तक्रार देणारे महापालिकेचे माजी सभागृह नेते सुशील खेडकर यांनी न्यायालयात भूमिका बदलली. त्यामुळे सध्याचे जिल्ह्याचे पालकमंत्री संजय शिरसाट आणि त्यांच्या पाच सहकाऱ्यांची न्यायालयाने निर्दोष मुक्तता केली आहे.

मुख्य न्यायदंडाधिकारी आर. एस. जांबोटकर यांच्या न्यायालयाने हा निकाल दिला. टेंडर परत घेण्याच्या विषयावरून १८ जानेवारी २०२० रोजी आ. संजय शिरसाट, उपमहापौर राजेंद्र जंजाळ, राजू राजपूत, विजय पैठणे, नीलेश नरवडे आदींनी आपणास मारहाण केली, अशी तक्रार खेडकर यांनी १८ जानेवारी २०२० रोजी वेदांतनगर पोलीस ठाण्यात दाखल केली होती. या मारहाणीत डोक्याला मार लागून जखम झाली. पाठ व छातीवर मुका मार लागला, असे खेडकर यांनी तक्रारीत म्हटले होते. न्यायालयात मात्र खेडकर यांनी भूमिका बदलली. शिवीगाळ, दमदाटी यासह मारहाण झाल्याची बाब त्यांनी न्यायालयापुढे नाकारली. सरकारी वकिलांनी घेतलेल्या उलटतपासणीतही या साऱ्या बाबी सिद्ध होऊ शकल्या नाहीत. त्यामुळे अखेर न्यायालयाने आ. शिरसाट व त्यांच्या सहकाऱ्यांची निर्दोष मुक्तता केली.