हर्सूलच्या शिवदंतनगरात मोठी घरफोडी!; आंतरराष्ट्रीय स्पर्धेत खेळाडूने जिंकलेल्या तलवारीसह दागिन्यांवर डल्ला

By City News Desk

On 23 Oct 2024

हर्सूलच्या शिवदंतनगरात मोठी घरफोडी!; आंतरराष्ट्रीय स्पर्धेत खेळाडूने जिंकलेल्या तलवारीसह दागिन्यांवर डल्ला

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : हर्सूलच्या पिसादेवी रोडवरील शिवदंतनगरात सैनिकाचे घर फोडून चोरट्याने तलवार आणि सोन्याचे गंठण असा एकूण ७० हजार रुपयांचा ऐवज चोरून नेला आहे. या प्रकरणात मंगळवारी (२२ ऑक्‍टोबर) गुन्हा दाखल करण्यात आला आहे. पुष्पा संजय वाघ (वय ३८) यांनी तक्रार दिली आहे. त्‍यांना दोन मुले असून, ते शिक्षणासाठी बाहेर असतात. त्‍यांचे पती […]

छत्रपती संभाजीनगर (सीएससीएन वृत्तसेवा) : हर्सूलच्या पिसादेवी रोडवरील शिवदंतनगरात सैनिकाचे घर फोडून चोरट्याने तलवार आणि सोन्याचे गंठण असा एकूण ७० हजार रुपयांचा ऐवज चोरून नेला आहे. या प्रकरणात मंगळवारी (२२ ऑक्‍टोबर) गुन्हा दाखल करण्यात आला आहे.

पुष्पा संजय वाघ (वय ३८) यांनी तक्रार दिली आहे. त्‍यांना दोन मुले असून, ते शिक्षणासाठी बाहेर असतात. त्‍यांचे पती बीएसएफमध्ये नोकरीला आहेत. ६ सप्‍टेंबरला मध्यरात्री घडलेल्या घटनेची तक्रार त्‍यांनी आता मंगळवारी हर्सूल पोलीस ठाण्यात दिली आहे. तक्रारीनुसार, ६ सप्‍टेंबरला रात्री साडेआठला त्‍या घराला कुलूप लावून नातेवाइकांकडे गारखेडा परिसरात गेल्या होत्‍या.

रात्री मुक्‍कामाला थांबून सकाळी ८ ला घरी आल्या असता घरात चोरी झाल्याचे लक्षात आले. हॉलमधील शोकेसमध्ये ठेवलेली त्‍यांच्या मुलाने आंतरराष्ट्रीय स्पर्धेत जिंकलेली तलवार (किंमत २० हजार रुपये), बेडरूममधील कपाटाचे लॉक तोडून दोन तोळ्यांचे सोन्याचे गंठण (५० हजार रुपये) चोरट्यांनी चोरून नेल्याचे दिसून आले. पोलिसांनी चोरट्यांविरुद्ध गुन्हा दाखल केला असून, तपास हर्सूल पोलीस करत आहेत.