सिटी चौकमधील सुपर फुटवेअर चोरट्यांनी फोडले!; ७० हजारांचे बूट-चप्पल लांबवले

By City News Desk

On 24 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : सिटी चौक येथील मशिदीच्या बाजूला असलेले सुपर फुटवेअर चोरट्यांनी फोडून ७० हजार रुपयांचे बूट-चप्‍पल चोरून नेले आहे. ही घटना बुधवारी (२३ ऑक्‍टोबर) सकाळी समोर आली. सिटी चौक पोलिसांनी चोरट्यांविरुद्ध गुन्हा दाखल केला आहे. दुकानमालक अन्सारी मोहम्‍मद इक्राम (वय ४०, रा. बुढीलाइन, डायमंड फंक्‍शनजवळ) यांनी या प्रकरणात तक्रार दिली आहे. २२ […]

छत्रपती संभाजीनगर (सीएससीएन वृत्तसेवा) : सिटी चौक येथील मशिदीच्या बाजूला असलेले सुपर फुटवेअर चोरट्यांनी फोडून ७० हजार रुपयांचे बूट-चप्‍पल चोरून नेले आहे. ही घटना बुधवारी (२३ ऑक्‍टोबर) सकाळी समोर आली. सिटी चौक पोलिसांनी चोरट्यांविरुद्ध गुन्हा दाखल केला आहे.

दुकानमालक अन्सारी मोहम्‍मद इक्राम (वय ४०, रा. बुढीलाइन, डायमंड फंक्‍शनजवळ) यांनी या प्रकरणात तक्रार दिली आहे. २२ ऑक्‍टोबरला रात्री साडेदहाला दुकान बंद करून ते घरी गेले होते. दुसऱ्या दिवशी सकाळी साडेसातला साफसफाई करणारा इम्रान शेख दुकानाकडे आला असता त्‍याला दुकानाच्या दरवाजाचा कोयंडा तुटलेला दिसला. त्‍याने लगेचच अन्सारी यांना कॉल करून सांगितले. अन्सारी यांनी येऊन पाहिले असता दुकानातील रॅकमध्ये ठेवलेले बूट, चप्पलांचा ७० हजार रुपयांचा माल चोरट्यांनी चोरून नेला होता. अधिक तपास पोलीस अंमलदार नागोराव घुगे करत आहेत.