सासऱ्याकडून सुनेचा विनयभंग, पतीने तिच्याच चारित्र्यावर ठेवले बोट; ३५ वर्षीय विवाहितेची चिकलठाणा पोलिसांत तक्रार

By City News Desk

On 26 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : सासऱ्याने सुनेचा विनयभंग केला. त्‍यामुळे सुनेने पोलिसांत तक्रार केली. त्‍यानंतर तिने केस मागे घ्यावी म्‍हणून तिला पतीसह सासरच्यांनी चांगले वागवले. तिने केस मागे घेताच पतीने तिच्या चारित्र्यावर बोट ठेवून छळ सुरू केला. हा छळ इतका वाढत गेला, असह्य होऊन तिने माहेर गाठले. तिने आता चिकलठाणा पोलीस ठाण्यात पतीसह सासरच्या लोकांविरुद्ध […]

छत्रपती संभाजीनगर (सीएससीएन वृत्तसेवा) : सासऱ्याने सुनेचा विनयभंग केला. त्‍यामुळे सुनेने पोलिसांत तक्रार केली. त्‍यानंतर तिने केस मागे घ्यावी म्‍हणून तिला पतीसह सासरच्यांनी चांगले वागवले. तिने केस मागे घेताच पतीने तिच्या चारित्र्यावर बोट ठेवून छळ सुरू केला. हा छळ इतका वाढत गेला, असह्य होऊन तिने माहेर गाठले. तिने आता चिकलठाणा पोलीस ठाण्यात पतीसह सासरच्या लोकांविरुद्ध तक्रार दिली असून, पोलिसांनी तिच्या पती, सासू, सासरा, ३ भायांविरुद्ध गुन्हा दाखल केला आहे.

तक्रारदार विवाहिता ३५ वर्षांची असून ती सध्या माहेरी सहकारनगर देवळाई रोड भागात राहते. तिचे सासर पाडळी तांडा (ता. पैठण) आहे. १ जून २००९ रोजी तिचे लग्न झाले होते. लग्न झाल्यानंतर दोन वर्षे तिला पती व सासरच्यांनी चांगले वागवले. नंतर शारीरिक व मानसिक छळ केला जाऊ लागला. तिला पतीपासून दोन मुली झाल्या. सासऱ्याची तिच्यावर वाईट नजर पडली. सासऱ्याने तिच्यासोबत अश्लील कृत्‍य केल्याने तिने बिडकीन पोलीस ठाण्यात त्‍याच्याविरुद्ध तक्रार दिली होती. तो गुन्हा परत घेण्यासाठी सासरचे लोक चांगले वागले. गुन्हा मागे घेताच त्‍यांनी पुन्हा छळ मांडला. पतीने तिच्याच चारित्र्यावर संशय घेऊन शिवीगाळ करत मारहाण करायला सुरुवात केली, असे तिने तक्रारीत म्‍हटले आहे. अधिक तपास पोलीस अंमलदार सरला जाधव करत आहेत.