संतापजनक… जलवाहिनीसाठी खोदलेल्या खड्ड्यात पडून मूकबधिराचा मृत्‍यू, कुणाला आवाज देऊन बोलावूही शकला नाही दुर्दैवी…, छत्रपती संभाजीनगरातील घटना, त्याच्या घरी अपंग वडील, मूकबधिर बहीण अन्‌ दृष्टिहीन भाऊ!!

On
Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : जलवाहिनीसाठी खोदलेल्या खड्ड्यात पडून ३० वर्षीय मूकबधिर युवकाचा मृत्‍यू झाला. खड्ड्यात पडल्यानंतर कुणी बाहेर काढलेही असते, पण मूक असल्याने तो मदतीसाठी पुकाराही करू शकला नाही अन्‌ १४ तासांनी ही घटना समोर आली. सिडको चौकात गुरुवारी (दि. २९) सायंकाळी घडलेली ही घटना शुक्रवारी सकाळी १० वाजता निदर्शनास आली.राजू नानासाहेब गायकवाड (३०, […]

छत्रपती संभाजीनगर (सीएससीएन वृत्तसेवा) : जलवाहिनीसाठी खोदलेल्या खड्ड्यात पडून ३० वर्षीय मूकबधिर युवकाचा मृत्‍यू झाला. खड्ड्यात पडल्यानंतर कुणी बाहेर काढलेही असते, पण मूक असल्याने तो मदतीसाठी पुकाराही करू शकला नाही अन्‌ १४ तासांनी ही घटना समोर आली. सिडको चौकात गुरुवारी (दि. २९) सायंकाळी घडलेली ही घटना शुक्रवारी सकाळी १० वाजता निदर्शनास आली.राजू नानासाहेब गायकवाड (३०, रा. मुकुंदनगर, संजयनगर) असे मृत्‍यू झालेल्याचे नाव आहे.

सिडको परिसरातील एका हॉटेलमध्ये मूकबधिर राजू काम करत होता. गुरुवारी तो कामावर गेला पण रात्री घरी परतलाच नाही. त्याच्या घरी असलेले अपंग वडील, मूकबधिर बहीण व दृष्टिहीन भाऊ चिंतित झाले. या सर्वांचा उदरनिर्वाह राजूवरच अवलंबून होता. शुक्रवारी सकाळी काही लोकांच्या ही बाब लक्षात आली. लोक जमा झाले. खड्ड्यातील लोखंडी पाइपवर पडून गंभीर जखमी झालेल्या राजूला हॉटेलचालकांनी ओळखून तातडीने घाटी रुग्णालयात दाखल केले. मात्र उपचारादरम्‍यान शुक्रवारी रात्री त्याचा मृत्‍यू झाला.

राजूच्या मृत्‍यूनंतर संतप्त झालेल्या नागरिकांनी युवा सेनेचे हनुमान शिंदे, वंचित बहुजन आघाडीचे सतीश गायकवाड, एमआयएमचे काकासाहेब काकडे, सौरभ सोनवणे, अमोल बनकर, योगेश सोनवणे यांच्यासह राजूच्या कुटुंबीयांना घेऊन सिडको एमआयडीसी पोलीस ठाण्यात ठिय्या देत दोषींविरुद्ध गुन्हा दाखल करण्याची मागणी केली. कामाच्या ठिकाणी ठेकेदाराने सुरक्षेच्या दृष्टीने कुठल्याही उपाययोजना केल्या नव्हत्या.

खोल खड्डा खोदलेला असताना पत्रेही नव्हती. सूचना फलक किंवा लाइट, बॅरिकेड्सदेखील नव्हते. त्‍यामुळेच खड्ड्यात पडून राजूचा मृत्यू झाल्याचे नागरिकांनी सांगितले. नागरिक आणि राजूच्या कुटुंबीयांच्या आक्रोशानंतर सिडको एमआयडीसी पोलिसांनी ठेकेदार कंपनीच्या मालक व व्यवस्थापकाविरुद्ध गुन्हा दाखल करण्यात आला. कंपनी मालक अजय धनवाले, ठेकेदार भूपेंद्र गुप्ता, व्यवस्थापक विशाल एडके अशी गुन्हा दाखल झालेल्यांची नावे आहेत. सिडको चौकात जलवाहिनी टाकण्यासाठी हा ६० फूट खोल खड्डा खोदलेला असून, हे काम स्मार्ट सिटी प्रकल्पाअंतर्गत खासगी कंपनीला देण्यात आल्याचे सूत्रांनी सांगितले.

आणखी महत्त्वाच्या बातम्या

"हे महिलांचे काम नाही...’ म्हणणाऱ्यांना दाखवला दम!; आता लाखो कमावते, प्रत्येक जण झालाय थक्क!!

Latest News

"हे महिलांचे काम नाही...’ म्हणणाऱ्यांना दाखवला दम!; आता लाखो कमावते, प्रत्येक जण झालाय थक्क!! "हे महिलांचे काम नाही...’ म्हणणाऱ्यांना दाखवला दम!; आता लाखो कमावते, प्रत्येक जण झालाय थक्क!!
हिमाचल प्रदेशातील मंडी जिल्ह्यातील रहिवासी सकिना ठाकूर हिने कमालच केली आहे. तिने रूढीवादी विचारसरणीला आव्हान आणि ग्रामीण उद्योजकतेचे एक नवीन...
एफआयआर किंवा कोर्ट केस होऊनही सरकारी नोकरी मिळू शकते का? नियम काय म्हणतात...
स्किन राहील तरुण, सुरकुत्या होतील नाहीशा, घरगुती क्रीम बनवा अन्‌ २ आठवड्यात पहा कमाल!
चार मानवी दोष, जे एखाद्याला यशाच्या मार्गापासून नेतात दूर...
अहंकार अन्‌ निष्काळजीपणामुळेच नंतर माझे चित्रपट चालले नाहीत...; प्रसिद्ध निर्माते-दिग्ददर्शक रामगोपाल वर्मा यांची विशेष मुलाखत
Copyright (c) Chhatrapati Sambhaji Nagar City News All Rights Reserved.
Powered By Vedanta Software