वाळूज एमआयडीसीत ४२ वर्षीय व्यक्‍तीने घेतला गळफास!

By City News Desk

On 23 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : सिडको वाळूज महानगरातील म्हाडा कॉलनीत साईनाथ चोखाजी खरात (वय ४२) यांनी राहत्या घरी गळफास घेऊन आत्महत्या केली. ही घटना गुरुवारी ( २२ ऑगस्ट) सकाळी साडेअकराच्या सुमारास समोर आली. आत्महत्येचे कारण समजू शकले नाही. साईनाथ मूळचे चितेपिंपळगाव (ता. छत्रपती संभाजीनगर) येथील असून, कुटुंबासह सिडको महानगरातील म्हाडा कॉलनीत सध्या राहत होते. गुरुवारी […]

छत्रपती संभाजीनगर (सीएससीएन वृत्तसेवा) : सिडको वाळूज महानगरातील म्हाडा कॉलनीत साईनाथ चोखाजी खरात (वय ४२) यांनी राहत्या घरी गळफास घेऊन आत्महत्या केली. ही घटना गुरुवारी ( २२ ऑगस्ट) सकाळी साडेअकराच्या सुमारास समोर आली. आत्महत्येचे कारण समजू शकले नाही.

साईनाथ मूळचे चितेपिंपळगाव (ता. छत्रपती संभाजीनगर) येथील असून, कुटुंबासह सिडको महानगरातील म्हाडा कॉलनीत सध्या राहत होते. गुरुवारी त्यांची पत्नी अलकाबाई कंपनीत कामासाठी गेल्या, दोन मुले शाळेत गेली. घरात ते व त्यांची आई चंद्रभागाबाई दोघेच होते. काही वेळाने त्यांची आई शेजाऱ्याकडे गप्पा मारण्यासाठी गेल्या. त्या परतल्या तेव्हा दरवाजा आतून बंद होता. साईनाथ दरवाजा उघडत नव्हता. शेजाऱ्यांच्या मदतीने त्‍यांनी दरवाजा तोडून घरात प्रवेश केला असता साईनाथ घरातील पत्र्याच्या छताला गळफास घेतलेले दिसले. वाळूज एमआयडीसी पोलिसांनी घटनेची नोंद घेतली आहे.