छत्रपती संभाजीनगर (सीएससीएन वृत्तसेवा) : लव्ह जिहादच्या मानसिकतेने विकृती इतकी खालच्या थराला गेली, की नराधमाने तिचे जगणे अवघड केले. त्याचा त्रास असह्य झाल्याने १६ वर्षांच्या मुलीने विहिरीत उडी घेऊन आत्महत्या केल्याची धक्कादायक घटना शहराजवळील ओव्हर गावात समोर आली आहे. माझ्यासोबत प्रेम कर नाहीतर तुझ्या भावाला जीवे मारेल अशी धमकी नराधम देत होता, असे समोर येत आहे. हर्सूल पोलिसांनी रविवारी (१८ ऑगस्ट) रात्री ११ ला या प्रकरणी ७ जणांविरुद्ध गुन्हा दाखल करत मुख्य संशयित नराधमाला अटक केली आहे. त्याआधी आरोपीच्या अटकेसह संपूर्ण कुटुंबाविरुद्ध गुन्हा नोंदविण्याच्या मागणीसाठी घाटी रुग्णालयासह हर्सूल पोलीस ठाण्यात नातेवाइकांसह गावकऱ्यांचा मोठा जमाव जमला होता.
पूजा शिवराज पवार (वय १६, रा. ओव्हर, ता. छत्रपती संभाजीनगर) असे मृत्यू झालेल्या तरुणीचे नाव आहे. कासीम यासीन पठाण (वय २१, रा. ओव्हर) असे नराधमाचे नाव आहे. पूजाच्या वडिलांनी या प्रकरणात हर्सूल पोलीस ठाण्यात तक्रार दिली आहे. त्यावरून कासीमसह त्याचे वडील यासीन सुभान पठाण, चुलते गफ्फार सुभान पठाण, हारुण सुभान पठाण, भाऊ राजू यासीन पठाण, चुलत भाऊ जब्बार गफ्फार पठाण आणि इरफान हरुण पठाण (सर्व रा. ओव्हर) यांच्या विरोधात आत्महत्येस प्रवृत्त केल्याचा गुन्हा दाखल करण्यात आला आहे. पूजा अकरावी विज्ञान शाखेत शिकत होती. तिला दहावीला ९६ टक्के गुण होते. नीट परीक्षेच्या तयारीसाठी ती कोकणवाडीतील एका प्रसिद्ध कोचिंग क्लासेसमध्ये येत होती. कोकणवाडीतील एका वसतिगृहात राहत होती. सलग सुट्या आणि रक्षाबंधनासाठी ती दोन दिवसांपूर्वी ओव्हरला आली होती.
८ महिन्यांपासून कासीमकडून छळ…
गेल्या ८ महिन्यांपासून कासीम पठाण तिला त्रास देत होता. पूजाला लव्ह जिहादच्या जाळ्यात अडकविण्यासाठी सर्व प्रयत्न करून झाल्यावरही ती ऐकत नसल्याचे पाहून तो धमकीवर उतरला. प्रेम कर नाहीतर तुझ्या भावाला जीवे मारेल, अशी धमकी तो तिला देऊ लागला. त्यामुळे पूजा दहशतीखाली आली होती. ही बाब तिने घरी सांगितल्यानंतर तिच्या पालकांनी कासीमला समजावून सांगितले होते. मात्र लव्ह जिहादच्या विकृतीने पछाडलेल्या कासीमने पूजाला त्रास देणे सुरूच ठेवले. हा त्रास असह्य झाल्याने पूजाने रविवारी दुपारी विहिरीत उडी घेऊन आत्महत्या केली. हा प्रकार कुटुंबीयांना कळताच त्यांनी पूजाला बाहेर काढून घाटी रुग्णालयात नेले. मात्र डॉक्टरांनी तपासून मृत घोषित केले.
मृतदेह ताब्यात घेण्यास नकार…
संतप्त कुटुंबीयांनी आरोपीच्या अटकेसाठी घाटी रुग्णालयात संताप व्यक्त करत मृतदेह ताब्यात घेण्यास नकार दिला. यावेळी बेगमपुरा पोलिसांनी घाटीत धाव घेतली. हर्सूल पोलीस ठाण्याचे निरीक्षक अतुल येरमे, उपनिरीक्षक गणेश केदार यांनी कारवाईचे आश्वासन देत नातेवाईकांची समजूत काढली. त्यानंतर मृतदेहाची उत्तरीय तपासणी करण्यात आली. मुख्य आरोपीसह कुटुंबातील सदस्यांवर गुन्हा नोंदविण्यासाठी हर्सूल पोलिस ठाण्यात रात्री उशिरापर्यंत जमावाने ठाण मांडले होते. रात्री ११ ला कासीमला पोलिसांनी अटक केली व त्याच्या कुटुंबीयांविरुद्ध गुन्हे दाखल केले. त्यानंतर ग्रामस्थांचा संताप कमी झाला आणि ते पोलीस ठाण्यासमोरून हलले.
.jpg)
.jpg)
.jpg)
.jpg)
.jpg)
