रेल्वेस्टेशन रोडवर दोघा ज्‍यूस सेंटरचालकांत तुफान हाणामारी

By City News Desk

On 18 Nov 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : दोघा ज्यूस सेंटर चालकांत असलेली धुसफूस रविवारी (१७ नोव्हेंबर) हाणामारीवर उतरली. रस्‍त्‍यातच एका ज्‍यूस सेंटर चालकाने साथीदार बोलावून आणत दुसऱ्या ज्‍यूस सेंटर चालकाला लाठ्याकाठ्यांनी बेदम मारहाण केली. त्‍याचे आई-वडील मदतीला धावले असता त्‍यांनाही मारहाण करत शिवीगाळ करण्यात आली. जखमी झालेल्या ज्‍यूस सेंटर चालकाला घाटी रुग्णालयात उपचारासाठी दाखल करण्यात आले. वेदांतनगर […]

छत्रपती संभाजीनगर (सीएससीएन वृत्तसेवा) : दोघा ज्यूस सेंटर चालकांत असलेली धुसफूस रविवारी (१७ नोव्हेंबर) हाणामारीवर उतरली. रस्‍त्‍यातच एका ज्‍यूस सेंटर चालकाने साथीदार बोलावून आणत दुसऱ्या ज्‍यूस सेंटर चालकाला लाठ्याकाठ्यांनी बेदम मारहाण केली. त्‍याचे आई-वडील मदतीला धावले असता त्‍यांनाही मारहाण करत शिवीगाळ करण्यात आली. जखमी झालेल्या ज्‍यूस सेंटर चालकाला घाटी रुग्णालयात उपचारासाठी दाखल करण्यात आले. वेदांतनगर पोलिसांनी या प्रकरणात ५ जणांविरुद्ध गुन्हा दाखल केला आहे.

ललीत दिलीप भंडारी (वय ३३, रा. बन्सीलालनगर) असे जखमी ज्‍यूस सेंटरचालकाचे नाव आहे. त्‍याचे रेल्‍वेस्टेशन रोडवर प्रशांत हॉटेलच्या बाजूला भंडारीज कॉर्नर नावाने ज्‍यूस सेंटर आहे. त्‍याच्या ज्‍यूस सेंटर शेजारी लव्‍हली ज्‍यूस सेंटर आहे. त्‍याचा मालक मन्‍नान खान आहे. तो आणि त्‍याचा मुलगा अमन मिळून लव्‍हली ज्‍यूस सेंटर चालवतात. शनिवारी दुपारी अडीचला गिऱ्हाईकावरून अमनसोबत ललीतचा वाद झाला. त्‍यानंतर अमनने ४ साथीदार बोलावून आणत ललीतवर हल्ला चढवला. त्‍याला वाचविण्यासाठी धावलेल्या त्‍याच्या आई-वडिलांनाही अमन आणि त्‍याच्या साथीदारांनी शिवीगाळ, मारहाण केली. लाठ्याकाठ्यांनी ललीतला मारहाण केली. यात ललीत जखमी झाला. पोलिसांनी अमन खान आणि त्‍याच्या ४ साथीदारांविरुद्ध गुन्हा दाखल केला आहे.