मृत्‍यू त्याचा पाठलाग करत होता… सकाळी वाचला, रात्री पुन्हा डाव साधला!, चिकलठाण्यातील अपघाताची कहानी समोर, मृत युवक निघाला बुलडाण्याचा..!

By City News Desk

On 01 Sep 2024

मृत्‍यू त्याचा पाठलाग करत होता… सकाळी वाचला, रात्री पुन्हा डाव साधला!, चिकलठाण्यातील अपघाताची कहानी समोर, मृत युवक निघाला बुलडाण्याचा..!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : दुपारी दुचाकीचा अपघात झाला. सुदैवाने तो वाचला… त्याला मिनी घाटीत दाखल केले… त्यानंतर रात्री तो एकटाच मिनी घाटीतून बाहेर पडला अन्‌ रस्ता ओलांडताना एसटी बसखाली चिरडला… दुपारी मृत्‍यूच्या कचाट्यातून सुटला पण रात्री त्‍याच्यावर काळाने डाव साधलाच… चिकलठाण्यातील सावता मंगल कार्यालयासमोर गुरुवारी (३१ ऑगस्ट) रात्री अकराला भरधाव एसटी बसखाली सापडून मृत्यू […]

छत्रपती संभाजीनगर (सीएससीएन वृत्तसेवा) : दुपारी दुचाकीचा अपघात झाला. सुदैवाने तो वाचला… त्याला मिनी घाटीत दाखल केले… त्यानंतर रात्री तो एकटाच मिनी घाटीतून बाहेर पडला अन्‌ रस्ता ओलांडताना एसटी बसखाली चिरडला… दुपारी मृत्‍यूच्या कचाट्यातून सुटला पण रात्री त्‍याच्यावर काळाने डाव साधलाच…

चिकलठाण्यातील सावता मंगल कार्यालयासमोर गुरुवारी (३१ ऑगस्ट) रात्री अकराला भरधाव एसटी बसखाली सापडून मृत्यू झालेल्या युवकाची शनिवारी (३१ ऑगस्ट) ओळख पटली असून, रवी प्रल्हाद काळे (वय ३६, मूळ रा. बुलडाणा) असे त्याचे नाव आहे. जालन्यातील एका कंपनीत नोकरीला असलेला रवी छत्रपती संभाजीनगरला बहिणीकडे आला होता. गुरुवारी रात्री जालना रोड ओलांडताना त्याला एसटी महामंडळाच्या बसने (एमएच २० जीसी २९२१) चिरडले.

डोक्यावरून चाक गेल्याने त्याचा जागीच मृत्यू झाला. जवळ कुठलेही ओळखपत्र नसल्याने ओळख पटण्यास उशीर लागला. शनिवारी त्याच्या कुटुंबाने पोलिसांशी संपर्क केला. त्यानंतर ओळख पटली. या प्रकरणात पोलीस अंमलदार योगेश म्हस्के यांनी दिलेल्या तक्रारीवरून एसटी बसचालक अनिल सुभाषराव बोडखे (वय ३४, रा. बजरंगनगर चिकलठाणा) यांच्याविरुद्ध पोलिसांनी यापूर्वीच गुन्हा दाखल केलेला आहे.