माजी जि. प. सदस्याच्या ऑडी कारला पेट्रोल टाकून तरुणाने लावली आग!, वाळूज MIDC तील खळबळजनक घटना

By City News Desk

On 23 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : वाळूज औद्योगिक वसाहत परिसरातील साजापूरमध्ये सोमवारी (२२ ऑक्‍टोबर) मध्यरात्रीनंतर एकच्या सुमारास माजी जिल्हा परिषद सय्यद कलीम यांची घरासमोर उभी ऑडी कार पेट्रोल टाकून जाळण्याचा प्रयत्‍न झाल्याची धक्कादायक घटना समोर आली आहे. ही घटना सीसीटीव्हीत कैद झाली आहे. कारला आग लागल्याचे दिसताच कलीम यांच्या कुटुंबीयांनी धाव घेऊ आग विझविली. मध्यरात्रीनंतर एक […]

छत्रपती संभाजीनगर (सीएससीएन वृत्तसेवा) : वाळूज औद्योगिक वसाहत परिसरातील साजापूरमध्ये सोमवारी (२२ ऑक्‍टोबर) मध्यरात्रीनंतर एकच्या सुमारास माजी जिल्हा परिषद सय्यद कलीम यांची घरासमोर उभी ऑडी कार पेट्रोल टाकून जाळण्याचा प्रयत्‍न झाल्याची धक्कादायक घटना समोर आली आहे. ही घटना सीसीटीव्हीत कैद झाली आहे.

कारला आग लागल्याचे दिसताच कलीम यांच्या कुटुंबीयांनी धाव घेऊ आग विझविली. मध्यरात्रीनंतर एक वाजता एक तरुण बाटलीत काहीतरी भरून कारवर फेकून आग लावत असल्याचे घरातील सदस्य यास्मीन सय्यद यांना सीसीटीव्हीत दिसले. त्यांनी आरडाओरड केल्यानंतर कुटुंबातील सदस्य घराबाहेर आले. त्यांनी पाणी टाकून आग विझविण्यात आली. तोपर्यंत कारचे मागील टायर जळून खाक झाले होते. सीसीटीव्हीत कॅमेऱ्यात दिसून आलेला तरुण अंदाजे २० ते २२ वर्षे वयाचा असून, त्याच्या अंगात पिवळा टी शर्ट व राखाड्या रंगाची जीन्स पॅन्ट होती. सय्यद कलीम यांच्या तक्रारीवरून वाळूज एमआयडीसी पोलिसांनी गुन्हा दाखल केला आहे.