मधुलिका नावाची मुलगी, युवकाला घातला ५ लाखांचा गंडा!; सिडको एन ६ मधील प्रकार

By City News Desk

On 24 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : फार्मा कंपनीत नोकरी करणाऱ्या ४० वर्षीय युवकाला मधुलिका नावाच्या मुलीने तिच्या टेलिग्राम ग्रुपमध्ये ज्‍वाइन करून घेत गुंतवलेल्या रकमेवर घरबसल्या ३० टक्‍के जास्तीची रक्‍कम मिळविण्याचे आमिष दाखविले. यातून तब्‍बल ५ लाख ११ हजार रुपयांचा गंडा घातल्याचा प्रकार समोर आला आहे. या प्रकरणात शुक्रवारी (२३ ऑगस्ट) युवकाने सिडको पोलीस ठाण्यात तक्रार दिली. […]

छत्रपती संभाजीनगर (सीएससीएन वृत्तसेवा) : फार्मा कंपनीत नोकरी करणाऱ्या ४० वर्षीय युवकाला मधुलिका नावाच्या मुलीने तिच्या टेलिग्राम ग्रुपमध्ये ज्‍वाइन करून घेत गुंतवलेल्या रकमेवर घरबसल्या ३० टक्‍के जास्तीची रक्‍कम मिळविण्याचे आमिष दाखविले. यातून तब्‍बल ५ लाख ११ हजार रुपयांचा गंडा घातल्याचा प्रकार समोर आला आहे. या प्रकरणात शुक्रवारी (२३ ऑगस्ट) युवकाने सिडको पोलीस ठाण्यात तक्रार दिली. त्‍यावरून मधुलिकाविरुद्ध गुन्हा दाखल करण्यात आला आहे. ती कुठली, नाव खरं की खोटं हे आता पोलीस शोधत आहेत.

सिडको एन ६ मधील चिश्तिया कॉलनीत राहणाऱ्या ४० वर्षीय युवकाने या प्रकरणात तक्रार दिली आहे. तो फार्मा कंपनीत काम करतो. त्‍याला मधुलिकाने तिच्या टेलिग्राम ग्रुपमध्ये ज्वाइन केले होते. त्या ग्रुपवर तुम्हाला काही टास्क दिले जातील. ते टाक्स पूर्ण करुन आपण गुंतवलेल्या रक्कमेवर घरबसल्या ३० टक्के जास्तीची रक्कम मिळवू शकता, असे सांगण्यात आले. युवक हुरळून गेला आणि पैसे गुंतवत बसला. मधुलिकाने त्‍याच्याकडून आधी १० हजार, नंतर ३५ हजार, नंतर ६८ हजार, नंतर २ लाख ३० हजार असे एकूण ५ लाख ११ हजार रुपये घेतले. नंतर या युवकाला ग्रुपमधून काढून टाकले. तेव्हा त्‍याला फसवणूक झाल्याचे लक्षात आले. त्‍याने सिडको पोलीस ठाण्यात धाव घेऊन तक्रार दिली. त्‍यावरून पोलिसांनी गुन्हा दाखल केला असून, अधिक तपास पोलीस निरीक्षक अतुल येरमे करत आहेत.