छत्रपती संभाजीनगर (सीएससीएन वृत्तसेवा) : घराचा दरवाजा तोडण्याचा प्रयत्न केला, पण त्याला जमलंच नाही. वैतागून तो निघून गेला… पण त्याचा हा कारनामा सीसीटीव्ही कॅमेऱ्यात कैद झाला आहे. ३७ वर्षीय महिलेने दिलेल्या तक्रारीवरून सिडको एमआयडीसी पोलिसांनी मंगळवारी (२५ जून) गुन्हा दाखल केला आहे.
मोहिनी युवराज देशमुख (रा. मायवर्ल्ड, चिकलठाणा) यांनी या प्रकरणात तक्रार दिली आहे. त्या प्रोफेसर आहेत. त्यांचे पती मुंबई येथिल सिपला कंपनीत जॉब करतात. १० जूनला सकाळी नऊला त्या घराला कुलूप लावून नोकरीवर गेल्या. सायंकाळी पावणेसहाला परतल्या असता सेफ्टी दरवाजाचा लोखंडी रॉड तोडून बाहेरील दरवाजा जबरदस्तीने उघडलेला होता. घराच्या दरवाजाची अवस्था बघितली असता त्यांच्या लक्षात आले की, कोणीतरी घराचा दरवाजा चोरीच्या हेतूने तोडून घरात घुसण्याचा प्रयत्न केला.
मोहिनी देशमुख यांनी घरात पाहणी केली असता सर्व सामान सुस्थितीत होते. घरातील कोणत्याही सामानाची चोरी झालेली नाही. त्यानंतर २३ जूनला सोसायटीतील कॅमेरा त्यांनी चेक केला असता, एक अनोळखी निळा टी शर्ट घातलेला, तोंडाला पांढरा रुमाल बांधलेला व्यक्ती त्यांच्या सोसायटीत संशयितरित्या फिरताना दिसला. त्यामुळे घरातही त्यानेच चोरीचा प्रयत्न केल्याची मोहिनी देशमुख यांची खात्री झाली. त्यांनी मंगळवारी सिडकाे एमआयडीसी पोलीस ठाण्यात तक्रार दिली. त्यावरून पोलिसांनी गुन्हा दाखल केला आहे. तपास पोलीस अंमलदार बापूराव बावस्कर करत आहेत.
.jpg)
