नाव तिचं सुरक्षा, वय २०… पण महिलांना करत होती ‘असुरक्षित’; हर्सूल टी पॉइंटवर काय कारनामा केला वाचा…

By City News Desk

On 31 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : तिचं नाव सुरक्षा इशारा चव्हाण (वय २०, रा. हसनाबाद, ता. भोकरदन, जि. जालना)…. छत्रपती संभाजीनगर शहरातील हर्सूल टी पॉइंटवर तिला एका महिलेचे मंगळसूत्र हिसकावताना इतर महिलांनी रंगेहात पकडले. महिलांनी तिला हर्सूल पोलिसांच्या ताब्‍यात दिले. तिने ३५ हजारांचे मंगळसूत्र तोडून पळण्याचा प्रयत्‍न केला होता… ही घटना सोमवारी (२८ ऑक्‍टोबर) दुपारी १२ […]

छत्रपती संभाजीनगर (सीएससीएन वृत्तसेवा) : तिचं नाव सुरक्षा इशारा चव्हाण (वय २०, रा. हसनाबाद, ता. भोकरदन, जि. जालना)…. छत्रपती संभाजीनगर शहरातील हर्सूल टी पॉइंटवर तिला एका महिलेचे मंगळसूत्र हिसकावताना इतर महिलांनी रंगेहात पकडले. महिलांनी तिला हर्सूल पोलिसांच्या ताब्‍यात दिले. तिने ३५ हजारांचे मंगळसूत्र तोडून पळण्याचा प्रयत्‍न केला होता… ही घटना सोमवारी (२८ ऑक्‍टोबर) दुपारी १२ च्या सुमारास घडली.

सुरक्षा हिच्याविरुद्ध आशा हेमंत काथार (वय ३३, रा. फुलंब्री) यांनी तक्रार दिली. तक्रारीनुसार, आशा काथार या मुलासह दीपावलीनिमित्त कपडे खरेदीसाठी छत्रपती संभाजीनगरला आल्या होत्‍या. खरेदी करून हर्सूल टी पॉइंटवर फुलंब्रीकडे जाण्यासाठी आल्या. एसटी बसमध्ये चढत असताना मागून सुरक्षा चव्हाण हिने त्‍यांचे मंगळसूत्र हिसकावून तोडून घेण्याचा प्रयत्‍न केला. मानेला झटका बसल्याने आशा काथार यांनी मागे वळून पाहिले असता बसमध्ये चढणाऱ्या इतर महिलांनी मंगळसूत्र तोडणाऱ्या सुरक्षा हिचे कृत्‍य पाहून लगेच पकडले. लोकांनी हर्सूल पोलीस ठाण्यात कॉल केला. पोलिसांनी हर्सूल टी पॉइंटवर येऊन सुरक्षाला ताब्‍यात घेतले. तिच्याविरुद्ध गुन्हा दाखल करण्यात आला आहे. अधिक तपास पोलीस अंमलदार पोपट दहिफळे करत आहेत.