नांदेडमधून छत्रपती संभाजीनगरात नशेच्या गोळ्यांचा पुरवठा!; ३ मेडिकलचालकांची लिंक उघड, दोन एजंटांना अटक केल्यावर बिंग फुटले!!

By City News Desk

On 23 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : अंमली पदार्थ विरोधी पथकाने (एनडीपीएस) बुधवारी (२१ ऑगस्ट) दोन ड्रग्‍ज एजंटांना अटक केली. त्‍यांच्या चौकशीतून नांदेडच्या मेडिकल व्यावसायिकांकडून छत्रपती संभाजीनगर शहरात नशेच्या गोळ्यांचा पुरवठा होत असल्याची बाब समोर आली. गफूर खान ऊर्फ बाबा करीम खान (वय ३७) व शेख अकबर ऊर्फ बादशाह शेख पाशा (वय ३०, दोघे रा. कैसर कॉलनी) […]

छत्रपती संभाजीनगर (सीएससीएन वृत्तसेवा) : अंमली पदार्थ विरोधी पथकाने (एनडीपीएस) बुधवारी (२१ ऑगस्ट) दोन ड्रग्‍ज एजंटांना अटक केली. त्‍यांच्या चौकशीतून नांदेडच्या मेडिकल व्यावसायिकांकडून छत्रपती संभाजीनगर शहरात नशेच्या गोळ्यांचा पुरवठा होत असल्याची बाब समोर आली. गफूर खान ऊर्फ बाबा करीम खान (वय ३७) व शेख अकबर ऊर्फ बादशाह शेख पाशा (वय ३०, दोघे रा. कैसर कॉलनी) अशी अटक केलेल्यांची नावे आहेत.

बुधवारी सायंकाळी पाचला पोलीस निरीक्षक गीता बागवडे, पोलीस उपनिरीक्षक संदीप शिंदे यांनी पथकासह रवींद्र कॉलनीजवळील मोकळ्या मैदानावर सापळा रचून बाबा करीमला ताब्‍यात घेतले. त्‍याच्याकडे पिशवीत नशेच्या ९०० गोळ्या मिळून आल्या. चौकशीत त्याने शेख अकबर त्याला विक्रीसाठी नियमित गोळ्यांचा पुरवठा करत असल्याची माहिती दिली. त्यानंतर पोलीस अंमलदार लालखान पठाण, सतीश जाधव, संदिपान धर्मे, महेश उगले, विजय त्रिभुवन, छाया लांडगे यांनी शेख अकबरला घरातून अटक केली. अकबरने चौकशीत नांदेडचा मेडिकल चालक गोविंद शेठकडून गोळ्या विकत आणत असल्याचे सांगितले. आणखी दोन मेडिकल चालकांची माहितीही त्‍याने दिली. सहा ते सात दिवसाला रेल्वेने नांदेडवरून गोळ्या आणत असल्याचे तो म्हणाला.