छत्रपती संभाजीनगर (सीएससीएन वृत्तसेवा) : सिडको एन २ भागातील जयभवानीनगरात आठवीत शिकणाऱ्या मुलाने राहत्या घरात गळफास घेऊन आत्महत्या केल्याची धक्कादायक घटना बुधवारी (११ डिसेंबर) दुपारी साडेबाराच्या सुमारास समोर आल्यानंतर खळबळ उडाली.
आदित्य विनोद खंडारे (वय १३, रा. जयभवानीनगर) असे आत्महत्या केलेल्या मुलाचे नाव आहे. त्याचे वडील वाळूज येथील एका अनुदानित महाविद्यालयात ग्रंथालयशास्त्र विषयाचे कंत्राटी प्राध्यापक आहेत. आई खासगी कंपनीत नोकरीला आहे. आदित्य दोन दिवसांपासून शाळेत न जाता घरीच होता. त्याची मोठी बहीण हेमाक्षी ९ वीत आहे. दुपारी ती शाळेतून घरी आली तेव्हा आदित्य दरवाजा उघडत नसल्याने तिने खिडकीतून डोकावले असता आदित्य गळफास घेतलेल्या अवस्थेत दिसला. तिने आरडाओरड केल्याने शेजारी धावून आले. त्याला तातडीने घाटी रुग्णालयात हलविण्यात आले.
मात्र डॉक्टरांनी त्याला तपासून मृत घोषित केले. आदित्यचा ४ वर्षांचाच छोटा भाऊ प्रणीत याचा २ महिन्यांपूर्वी गंभीर आजाराने मृत्यू झाला होता. आदित्यच्या मित्राचे दोन दिवसांपूर्वी निधन झाले होते. त्यामुळे तो दोन दिवसांपासून शाळेतच गेला नव्हता. त्याची शाळेतील प्रगतीही कमीच होती. अभ्यास करण्यावरून पालक त्याला अनेकवेळा रागावत होते. आदित्यच्या आईने एका कंपनीत नोकरी मिळवून बुधवारी त्यांचा नोकरीचा पहिलाच दिवस होता. आजोबा घरी होते, परिसरातील रुग्णालयात जाण्यापूर्वी त्यांनी आदित्यला तू एक लेसन पाठ कर, नंतर आपण रिव्हिजन घेऊ, असे आदित्य सांगून ते घराबाहेर पडले होते. मुकुंदवाडी पोलिसांनी या प्रकरणी अकस्मात मृत्यूची नोंद केली आहे. पोलीस अंमलदार श्री. जाधव अधिक तपास करीत आहेत.
.jpg)
.jpg)
.jpg)
