दोन तरुणींवर लैंगिक अत्‍याचार, एकीला घेऊन ओयो गाठले, दुसरीवर घरात जबरदस्ती, छत्रपती संभाजीनगरातील धक्कादायक घटना

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरात २ तरुणींवर लैंगिक अत्‍याचाराच्या घटना समोर आल्याने खळबळ उडाली आहे. एका तरुणीला तरुणाने सिडकोतील ओयोमध्ये नेले तर दुसरीवर घरातच जबरदस्ती केली. दोन्ही घटनांप्रकरणी सिडको पोलिसांनी गुन्हे दाखल केले आहेत.

घटना पहिली : गणेश शेषराव गायकवाड (वय ३०, पानरांजणगाव खुरी, बिडकीन, ता. पैठण) याने ओळखी तरुणीला लग्नाचे आमिष दाखवले. तू मला खूप आवडतेस. आपण लग्न करू असे म्‍हणून १४ मे ते २ ऑगस्टदरम्‍यान तिच्या घरी येऊन तिच्यासोबत तीन ते चार वेळेस बळजबरीने शारीरिक संबंध प्रस्थापित केले. हा प्रकार सिडको भागातील रेणुका माता मंदिर परिसरात घडला. हा प्रकार कुणाला सांगितल्यास जीवे मारण्याची धमकीही त्‍याने दिल्याचे तरुणीने तक्रारीत म्‍हटले आहे.

घटना दुसरी : सिडकोतील ओयो हॉटेलवर नेऊन तरुणीवर तिच्या ओळखीच्या तरुणाने वारंवार शारीरिक संबंध ठेवले. ही घटना २०२१ मधील २० ऑगस्ट रोजी सायंकाळची आहे. राहुल कारभारी रावते (वय ३०, रा. फुलशेवरा, ता. गंगापूर) असे संशयित तरुणाचे नाव आहे. तरुणीने या प्रकरणात यवतमाळ शहर पोलिसांत तक्रार दिली होती. घटना छत्रपती संभाजीनगरच्या सिडको पोलीस ठाण्याच्या हद्दीत घडल्याने तो गुन्हा सिडको पोलिसांकडे वर्ग झाला आहे. आता सिडको पोलीस या घटनेचा तपास करत आहेत.

नातेवाइक महिलेचे फोटो केले मॉर्फ…
नातेवाइक २६ वर्षीय महिलेचे फोटो मॉर्फ करून अश्लील तयार केले. नंतर तेच फोटो तिला पाठवून ७५ लाख रुपयांची मागणी करण्यात आल्याचा धक्कादायक प्रकार समोर आला आहे. सिटी चौक पोलिसांनी या प्रकरणात कटकटगेट परिसरातील रहिवासी मीर अकबर अली इनायत अली, मीर इनायत अली मीर वायज अली व आझाद कॉलेजजवळील रहिवासी अॅड. जमिलोद्दीन सिकंदर या तिघांविरुद्ध गुन्हा दाखल केला आहे. पैसे दिले नाही तर जीवे मारण्याची धमकीही त्‍यांनी दिली.