दारू पिण्यासाठी पैसे मागून पत्‍नीचे लाटण्याने डोके फोडले!; भरतनगरातील घटना

By City News Desk

On 24 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : दारू पिण्यासाठी पत्‍नीने पैसे न दिल्याने संतापलेल्या पतीने लाटण्याने तिच्या डोक्‍यावर मारून जखमी केले. ही घटना मंगळवारी (२२ ऑक्‍टोबर) रात्री ८ च्या सुमारास भरतनगरात घडली. पत्‍नीच्या तक्रारीवरून बेगमपुरा पोलिसांनी तिच्या मारकुट्या पतीविरुद्ध बुधवारी (२३ ऑक्‍टोबर) गुन्हा दाखल केला आहे. भरतनगरात राहणाऱ्या २९ वर्षीय विवाहितेने या प्रकरणात तक्रार दिली आहे. तिचा […]

छत्रपती संभाजीनगर (सीएससीएन वृत्तसेवा) : दारू पिण्यासाठी पत्‍नीने पैसे न दिल्याने संतापलेल्या पतीने लाटण्याने तिच्या डोक्‍यावर मारून जखमी केले. ही घटना मंगळवारी (२२ ऑक्‍टोबर) रात्री ८ च्या सुमारास भरतनगरात घडली. पत्‍नीच्या तक्रारीवरून बेगमपुरा पोलिसांनी तिच्या मारकुट्या पतीविरुद्ध बुधवारी (२३ ऑक्‍टोबर) गुन्हा दाखल केला आहे.

भरतनगरात राहणाऱ्या २९ वर्षीय विवाहितेने या प्रकरणात तक्रार दिली आहे. तिचा ३९ वर्षीय पती दारू पिण्याच्या सवयीचा असून मंगळवारी रात्री आठला तो तिच्याकडे आला. दारू पिण्यासाठी पैसे मागू लागला. त्‍यावेळी विवाहिता स्वयंपाक करत होती. तिने माझ्याकडे पैसे नाहीत, असे त्‍याला सांगितले. त्‍यामुळे संतापलेल्या पतीने तिला मारहाण करायला सुरुवात केली.

तिच्या हातातील लाटणे हिसकावून तिच्या डोक्‍यात मारले. तो मारत असताना मुलांनी आरडाओरड सुरू केल्याने तो घरातून शिवीगाळ करत निघून गेला. विवाहितेने तिच्या बहीण आणि भावाला कळवले. त्‍यांनी तिच्याकडे येत तिला बेगमपुरा पोलीस ठाण्यात नेले. पोलिसांनी मेडिकल मेमो देऊन उपचारासाठी घाटी रुग्णालयात पाठवले. पोलिसांनी तिच्या पतीविरुद्ध गुन्हा दाखल केला आहे. अधिक तपास पोलीस अंमलदार मीना पातोडे करत आहेत.