झोपेत पत्नी दचकली अन् पतीला वेगळाच संशय झाला, विवाहितेची पोलिसांत तक्रार

By City News Desk

On 23 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा ) : लग्न झाले, नवा संसार सुरू झाला, काही दिवस सर्व काही सुरळीत सुरू होते… पण एकेदिवशी रात्री ती दचकून झोपेतून उठली अन् पतीने तिच्यावर फिट येत असल्याचा आरोप लावून नांदवायला नकार दिला. पुढे तिचा छळ वाढत गेला, माहेरावरून 2 लाख रुपये घेऊन ये, असे म्हणत तिला घराबाहेर काढण्यात आले. मुकुंदवाडीतील […]

छत्रपती संभाजीनगर (सीएससीएन वृत्तसेवा ) : लग्न झाले, नवा संसार सुरू झाला, काही दिवस सर्व काही सुरळीत सुरू होते… पण एकेदिवशी रात्री ती दचकून झोपेतून उठली अन् पतीने तिच्यावर फिट येत असल्याचा आरोप लावून नांदवायला नकार दिला. पुढे तिचा छळ वाढत गेला, माहेरावरून 2 लाख रुपये घेऊन ये, असे म्हणत तिला घराबाहेर काढण्यात आले. मुकुंदवाडीतील संजयनगरातील 22 वर्षीय विवाहितेने मुकुंदवाडी पोलीस ठाण्यात पतीसह सासरच्या 5 जणांविरुद्ध तक्रार दिल्यावरून पोलिसांनी गुन्हा दाखल केला आहे.

वर्षा राहुल राठोड (वय 22, रा. संजयनगर, मुकुंदवाडी) या विवाहितेने दिलेल्या तक्रारीवरून पोलिसांनी तिचा पती राहुलसह सासू, सासरे, दीर अशा 5 जणांविरुद्ध गुन्हा दाखल केला आहे. तक्रारीनुसार, 2 जून 2024 ला वर्षाचे लग्न झाले होते. 8 जून 2024 रोजी झोपेत दचकून उठली म्हणून पतीने तुला फिट येतात, मला तू लागत नाही, असे म्हणून नांदविण्यास नकार दिला. त्यानंतर कामावरून टोमणे मारून मानसिक त्रास दिला. घराचे अर्धवट राहिलेले बांधकाम पूर्ण करण्यासाठी 2 लाख रुपये माहेरावरून आणण्याची मागणी केली. 20 जून 2024 रोजी तिला घरातून बाहेर काढले, असे विवाहितेने तक्रारीत म्हटले आहे. तपास पोलीस अंमलदार इम्तियाज अली खान करत आहेत.