छत्रपती संभाजीनगरातील धक्कादायक प्रकार : पित्‍यानेच चिमुरडीच्या हाती सोपवली स्कुटी…व्हिडीओ समोर येताच संतप्त प्रतिक्रिया, आता पोलीस घेताहेत शोध!

By City News Desk

On 24 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : एका पित्‍यानेच आपल्या चिमुकल्या शाळकरी मुलीच्या हाती स्‍कुटी सोपवली अन्‌ मागे बसला… शाळेचा गणवेश घातलेली मुलगी बिनधास्त स्कुटी चालवत असल्याचा व्हिडीओ बुधवारी (२३ ऑक्‍टोबर) शहरात व्हायरल झाला. त्‍यामुळे संतप्त प्रतिक्रिया उमटल्या. पोलिसांनी आता या पित्‍याचा शोध सुरू केला आहे. एका सुजाण नागरिकाने व्हिडीओ एक्‍सवर पोस्ट करून आश्चर्य व्यक्‍त केले. त्‍यानंतर […]

छत्रपती संभाजीनगर (सीएससीएन वृत्तसेवा) : एका पित्‍यानेच आपल्या चिमुकल्या शाळकरी मुलीच्या हाती स्‍कुटी सोपवली अन्‌ मागे बसला… शाळेचा गणवेश घातलेली मुलगी बिनधास्त स्कुटी चालवत असल्याचा व्हिडीओ बुधवारी (२३ ऑक्‍टोबर) शहरात व्हायरल झाला. त्‍यामुळे संतप्त प्रतिक्रिया उमटल्या. पोलिसांनी आता या पित्‍याचा शोध सुरू केला आहे.

एका सुजाण नागरिकाने व्हिडीओ एक्‍सवर पोस्ट करून आश्चर्य व्यक्‍त केले. त्‍यानंतर तो वाऱ्यासारखा शेअर झाला. त्‍यावर संतप्त प्रतिक्रिया उमटल्या. पुण्यातील पोर्शे अपघात प्रकरण चर्चेत असतानाच, काही दिवसांपूर्वी बजरंग चौक, बळीराम पाटील रस्त्यावर सुवर्णा पंडित या महिलेचा अल्पवयीन दुचाकीस्वाराच्या धडकेने मृत्‍यू झाल्याची घटना घडली होती. त्‍यानंतर अल्पवयीनांच्या हाती वाहने देणाऱ्या पालकांवर संताप व्यक्‍त होत आहे.

या व्हिडीओत शाळेचा गणवेश घातलेली चिमुरडी बिनधास्त विना क्रमांकाची स्कुटी चालवत असून, मागे तिचा पिता निवांत बसला आहे. निर्लज्जपणाचा कळस म्‍हणजे, व्हिडीओ काढला जातोय हे पाहून त्‍याने अंगठाही दाखवला. दरम्‍यान, पोलिसांनी आता या पित्‍याचा शोध सुरू केला आहे. ही घटना गंभीर असून पालकाचा बेजबाबदारपणा दिसून येत आहे. दुचाकीला नंबर प्लेटदेखील नाही. त्या व्यक्तीचा शोध घेऊन कठोर कारवाई केली जाईल, असे सहायक पोलीस आयुक्‍त धनंजय पाटील यांनी पत्रकारांशी बोलताना सांगितले.