घरात घुसून विवाहितेवर २२ वर्षीय तरुणाचा दोनदा बलात्‍कार, नारेगावमधील खळबळजनक घटना

छत्रपती संभाजीनगर (सीएससीएन वृत्तसेवा) : घरात घुसून २२ वर्षीय तरुणाने विवाहितेवर दोनदा बलात्‍कार केल्याची धक्कादायक घटना नारेगावमध्ये समोर आली आहे.

शरीरसंबंधाचा व्हिडीओही तयार केला. याबाबत कुणाला सांगितल्यास पतीला व्हिडीओ पाठवेन अशी धमकी त्‍याने दिली. विवाहितेने सिडको एमआयडीसी पोलीस ठाणे गाठून तक्रार दिली आहे. त्‍यावरून पोलिसांनी तरुणाविरुद्ध गुन्हा दाखल केला आहे. नासेर ऊर्फ अरबाज युनूस शेख (रा. फातेमानगर, नारेगाव) असे संशयित तरुणाचे नाव आहे. विवाहितेने केलेल्या तक्रारीनुसार, ५ मार्च व १२ मार्चला नासेर तिच्या घरात जबरदस्ती शिरला. तिला धमकी देऊन बलात्‍कार केला. दरम्‍यान, दुसऱ्या एका घटनेत आकाश पांडव (वय ३२, रा. नागेश्वरवाडी) याला सिटीचौक परिसरात राहणाऱ्या १७ वर्षीय मुलीसोबत अश्लील कृत्य केल्याप्रकरणी सिटी चौक पोलिसांनी अटक केली आहे. २० सप्टेंबरला दुपारी ४ वाजता मुलगी घरी एकटी असताना आकाश घरात घुसला. तिच्याशी लगट करण्याचा प्रयत्न करून अश्लील चाळे करत धमकावले. त्याच्या त्रासाला कंटाळून मुलगी घर सोडून जालन्यातील आजीकडे राहायला गेली. मुलीच्या वागणुकीत बदल आढळल्याने भावाने तिला विचारपूस केली असता तिने आकाशच्या त्रासाविषयी सांगितले. त्यानंतर या प्रकरणात सिटी चौक पोलीस ठाण्यात तक्रार देण्यात आली. पोलीस उपनिरीक्षक शेख शाकीर यांनी आकाशला अटक केली.